我地返工既地方係康樂園,係大埔,有錢人住既地方。 

可想而知,黎酒樓既人,全部都係有錢人。佢地其實好向左走向右走煩,唔知點解黎酒樓叫薯條食。搞到我要跑幾層樓梯,落樓下西餐個度攞。 

上到黎,仲要Hi勁我唔細心。 

「點解唔攞埋叉黎啊?Why?」 

「食薯條用手都得啦...」 



「Shit!用手好dirty囉!」扮乜勁野ABC啊?? 

有時真係覺得好難頂,但每次放工係Sam哥手中接過銀紙個下,都幾滿足。 

除左有收入之外,返工第二個好處就係同海仔熟左。 

之前都提過下,海仔其實食過好多女。不過我都係聽其他人講,詳情我都唔太清楚。唯一知道既係,佢為左一個女仔,決定改過... 

我都有試過佢,睇佢會唔會同我講下個女仔係邊個, 



「有咩好講丫,都過左去喇,而且...我都放低左啦。」海仔咁答我。 

「你啊,真係好好改過啦。但你都要有心理準備,你肯改唔代表其他人就會忘記你做過既野。唔好諗住可以完完全全洗底啊...」佢語重心長地說。 

睇黎,佢有好深既體會。 

而係幾個禮拜之後...啊!多麼痛的領悟! 

師父,明白了。




雖然海仔話自己已經放棄左個女仔,但我始終覺得佢未... 

「與其話放棄左,只不過係接受左現實。每個人總有一個無可取代既人,而對我黎講,就係佢。」海仔說。 

每個玩家,總有一個改變佢既女人。 

到底係何方神聖,能夠使海仔改變呢...? 

儘管我十分好奇,但我冇問出口。 

我相信,總有一日,佢會自己同我講。 


為左be a better me,除左返工之外,我仲會溫書。 



「嘩,李志誠居然溫書啊!」身邊既同學見到我溫書既反應就係咁。 

心諗,洗唔向左走向右走洗啊你地? 

不過依家回想返都覺得驚訝,我居然會溫書... 

以前既我,係一個懶到出汁既人。你莫講話我會溫書,帶齊書返學已經係神蹟黎。 

上到中六,好多平時懶到Hi Hi既人都開始發奮,想考好個公開試。可能係受到佢地既影響,我都開始讀書。 

「唔向左走向右走係掛,你都會咁勤力!?」林優怡瞪大雙眼望住我。 

「吹咩?」我繼續作文。 



「你洗唔洗睇下醫生啊?」 

「Hi 你。」 

當時既我,日日都自動自覺作文交比miss改,睇下點樣可以點做好啲。 

原來努力讀書,都幾熱血架喎。


「你依家一日會溫幾耐架?」林優怡問。 

「唔知喎,隨心啦,兩三個鐘掛。」對我黎講,已經好漫長。 

由零到兩三個鐘,係好大幅既上升。 



「死啦,連你都咁勤力,睇黎我都要發奮喇。」 

「聽住先啦。」 

開始溫習之後,我先明白點解啲學生會咁大壓力。 

唔知你有冇遇過,有啲學生,特別係女仔,考試前後會緊張到嘔。以前我仲會笑勁佢地,但依家我會體諒佢地。 

以前唔溫書,炒左都可以同人講自己未盡力。但依家溫哂書,就揾唔到其他藉口,考得Seven就係能力問題。 

要怪,就只能怪自己遲發奮。 

最記得一次用盡畢生所學去作文,但點知最後出到黎,並不如人意。 

「...」我係miss手上接過份卷。 



Hi,得3,仲要係好勉強... 

個一刻,我真係想喊出黎。 

「其實你可以...」miss比既意見,我全部都聽唔入耳。 

好灰。 

「唔好咁啦你,仲有下次既。」林優怡拍拍我。 

我望住佢,笑了笑。 

見到平時把口咁臭既佢,居然走黎安慰我,真係幾窩心。 

睇黎讀書既好處,唔單係成績既進步。 

「多謝你。」


「好爽啊Hi!」我在球場中心大叫。 

「不嬲都叫你打返波架啦,Hi 你。」光頭鉅企係我身旁。 

係,我重拾返自己最愛既運動。 

我打返波喇。 

「依家咪打返囉Hi Hi。」 

同佢地打波既時候,唔知點解每句都會有粗口。 

雖然依班男朋友成日hea打,句句都爆粗,但同佢地打波既時光,真係好向左走向右走開心。 

我唔會諗其他野,只專注係當下既練習,好舒服。 

「喂Hi,約左人,走先。」光頭鉅好少會走先。 

「佢去邊啊?」我問隔離個friend,肥仔射手。 

「佢,約左隊band練歌囉。」 

練歌!?佢唱歌架咩!? 

「學校個歌唱比賽啊,後日有得報名啦。」肥仔射手說。 

「光頭鉅佢去報名?」唔向左走向右走係掛,佢都得? 

「佢話都就畢業喇,乜都試下喎。」 

Stop la啦,佢好明顯就係想媾女啦。


每年學校都會搞個音樂會,比中六既同學一展歌喉,留個美好既回憶。 

好多人就會趁依個機會上台唱歌,唱啲MK情歌黎表白,確係幾浪漫既。亦會有啲食女獸會扮慘,唱一啲毒到出汁既慘情歌等女媾。 

就好似肥龍咁,佢上年上台唱側田。Hi Auntie,佢唱到五音不全咁都算啦,點向左走向右走解要揀「好人」呢? 

你好人?睇過,邊向左走向右走度好啊? 

最離奇既係啲女居然豬向左走向右走到覺得佢真係好慘,走去安慰佢。 

媽啊,咩世界啊? 

而光頭鉅好明顯就想學佢咁,扮慘媾女,之後擺脫青頭既身份啦。 

眼見身邊既好友參加,自己都有啲心癢。 

「橫掂都最後一年喇,不如我都參加啦。」 

「我就唔信你會喇。」張彥琪睇死我唔敢。 

我係一個好要面既人,曾經係。唔Seven得既我,一定唔敢參加依類比賽...張彥琪就係咁諗。 

唔得,點可以比佢睇死我。 

我要參加!! 

「咁你諗住唱咩歌啊?」阿偉問我。 

「到時你咪知囉。」 

「Hi 你咩!」阿偉同振威一同Hi我。 

一直去到當日,我都冇同人講係邊首歌。 


去到比賽當日,學生會其中一條女同我講, 

「你係最後一個啊,人渣誠。」真係全校都識我。 

唔知點解,我異常地冷靜。原本以為自己會好緊張,手會震,點知我冇... 

「好喇,最後一個喇,我地有請李志誠同學。」出面既司儀說。 

我深呼吸一口氣,加油,李志誠。 

我接過工作人員手上既麥高風,站在舞台上,面對住全校既師生。 

「依家唱一隻,好能夠代表李志誠既歌,我諗你地都知係咩歌黎架喇...」