同林優怡注定要做朋友之後,我開始左另一段既戀情。 

就係study leave既時候,我識左個新既女朋友... 

佢叫寶兒,係我學校既低form師妹。 

同林優怡既事之後,我都唔再追求咩真愛唔真愛。點解? 

我唔係唔信依個世界會有真愛,只係覺得有都唔會係我身上發生。所以,都係是旦揾個一齊,開開心心咪算囉。 



就係依個時候,我就識左寶兒。 

之所以識到佢,係因為我偶然係IG讚左佢張相,然後佢開始瘋狂炸我,係咁讚返我啲相。 

當時心諗,Hi丫,依條友係咪有病啊? 

唔得,等我又還拖先。 

「喂,你攰未?」寶兒終於忍唔住,direct我。 



「未啊。」 

「痴線佬!」 

我地就係咁樣識。 

識左一個禮拜左右之後,佢話想我一齊,我見佢個樣幾得意,又幾鍾意佢為人。 

所以,我同左佢一齊。




簡單咁形容下寶兒先,白雪雪,好有肉感... 

最緊要既係,佢對波好大,至少都應該有D。相比起阿欣,真係... 

至於個樣,我講完你就會明點解我會同佢一齊。佢個樣好似上原亞衣,真係正到瀨屎。 


性格方面喇喎,五個字講哂:MK。 

其實你見佢咁隨便就同左我一齊,你都應該估到啲啦,只有MK妹先會咁架姐。 

而MK妹媾仔從來都係睇一樣野架姐,就係樣。 

點解佢揀我?唔洗多講啦,靚仔囉。 



同依種女仔一齊,我從來都唔奢望會長久,講真,我同佢一齊預左會散。去到後來,我先唔係咁諗... 

寶兒既出現,令我對MK有一種新既睇法。 

同依個死MK妹一齊既期間,亦令我開始記起昔日既「人渣誠」。 

某程度上,佢都幾似我既...好似係。 



好喇,要講第六個女仔喇。 

寶兒─我的MK女朋友