同以往一樣,我帶左寶兒返屋企。 

「不如睇戲丫?」寶兒問。 

「哦..好啊。」 

寶兒一直都唔鍾意坐低睇戲,每次約佢睇戲佢都會拒絕。 

「唔好啦,戲幾時都可以睇,你唔係隨時有得見啊。」寶兒總是這樣回應。 



「傻豬黎既。」 

估唔到,今次佢居然主動話要睇《我的少女時代》,睇黎佢真係好想好想睇。 

好啦,就開黎睇下啦,難得佢話睇戲。 

「嘩你睇下幾男神啊佢。」 

「超,籃球隊,高大靚仔,咪即係我。」 



「得啦,明哂。」 

「...」 

Hi,咁我真係喎... 


然後睇到結局既時候,Hi,啲劇情真係好老土。不過都ok既。 

但我點都估唔到,坐我隔離既寶兒,靜靜流下了不少淚水。 



「做咩啊?」 

「咩啊,感動咪喊囉...」 

原來MK妹都有少女既一面,佢地都會憧憬電影中既愛情。 

如果佢唔係同左佢前度一齊,或者,佢今日會係一個正正常常既女仔。 

至少唔係一個MK妹先.... 


睇完戲,又去到啪啪啪既時間喇。 

我地係床上纏綿,舌頭上既戰爭相當激烈。正當我諗住對佢下盤展開新一波既攻勢,寶兒居然一手禁住我。 



點會禁架? 

「唔好啦,今日唔想啊...」 

條女都講到咁,唔通強姦佢咩。 

「好啦...」我死死地氣說。 

點知我一講完,寶兒就除左我條褲,一野含左落黎。

「你又話唔想既...?」我問。 

「你開心我就冇所謂架喇。」寶兒講完,又繼續。 



「傻豬黎,你唔想就唔好啦。」 

點知,佢居然話, 

「咁我愛你就比你搞架啦。」 

「你覺得比我搞就係愛我?」 

「唔係架咩?」 

好明顯,佢唔明咩叫「愛」。 

我一手推開寶兒,用一個認真既眼神望住佢, 

「唔係咁樣衡量架,就算你唔比我搞,我都一樣咁愛你,知嗎?」 



「知喇。」 

當時既我仲以為自己有幾偉大,可以保護寶兒,好好愛佢。點知,去到最後,我都係咁...

寶兒變得更加痴身,成日嗲我,我地既關係都越來越好。老老豆豆,邊個男人唔鍾意條女嗲自己丫。 

如果keep住咁樣相處,我地應該可以走到白頭。 

直至... 


三月既時候,實習試已經開始。 

個日既朝早,同是PED既阿偉同阿海行過黎我面前, 



「有野同你講。」阿海好認真咁講。 

「哦,講啦。」 

「你條女比綠帽你戴。」 

「吓?」 

「三萬蚊,過夜,你條女係雞啊。」阿偉說。 


點解,點解會咁架? 

明明我地既關係開始有進展,唔可能既... 

「係咪架?」 

「肯定。」阿海堅定地說。 

Hi Hi,係真既。 

「係邊個。」 

「阿必。」 


嘩Hi 你,唔向左走向右走係掛。金毛個個MK矮仔? 

寶兒你係唔係飲大左啊?? 

「Hi!」 

一聽到自己戴帽,乜心情都冇哂。 

咁個試考成點? 

Seven哂囉,2017一定得。 


考完已經入夜,我見攰攰地就返左屋企。 

諗左打開YouTube,睇下達哥,個人都開心啲。點知我睇到佢讀一篇叫做「綠帽唔怕戴 最緊要除得快」既潮文。 

Hi,我真係笑唔出。 

諗諗下,我終於醒起。當時我背住阿欣揾Cherry既第二日,我因為心虛係咁名佢講「我愛你」。 

我明白了... 

但我都冇資格怪佢,畢竟我同佢一齊既時候仲鍾意林優怡。只係差在我地冇上房... 

係報應,「人渣誠」既報應。


隔日,我去接寶兒放學。 

「去食野先?」寶兒問。 

「等陣先,我有個地方想去。」 

「去邊啊?」 

「去到你咪知。」 

跟住,我帶左寶兒上山,坐係涼亭入面。 

「做咩帶我上黎既?」 

「有野同你講。」 

「咩呢?」 

「有人話我知你同阿必有路,係咪真?」我問。 

「唔係...」 

「不過佢話佢鍾意我。」佢續道。 

「點解唔同我講呢?」 

「我廢事你誤會...」 

Hi,乜向左走向右走野理由黎。 

「依家我咪誤會左囉!」 

「對唔住...」 

「你以後唔好再見佢,得唔得?」 

「但係今晚恩陶生日...」 

又係條今天。 

「得,你一揾佢地,我地就分手啦。」 

「你唔好咁啦...」寶兒開始喊。 

「你愛唔愛我?」 

「我都唔知咩叫愛...」 

當刻,我覺得寶兒真係好可憐。 

「咁得啦,分手啦。」 

「你明明話過以後唔會離開我架...」 

好似係,但已經唔重要喇。我轉身就走,bye都冇講。 

我到依家仲後悔緊,如果我當時冇走,可能一切都會唔同。

夜晚既時候,寶兒真係去左揾個今天。 

唔知係咪酒意驅使,寶兒走左去介手。今次真係手,佢介損自己左手。 

點解我知? 

佢影低比我睇,我咪知囉。 

「你係邊啊?」我立刻打比寶兒。 

「你屋企樓下。」 

「等我。」 

我即刻換件衫,衝落樓下。諗起當日同寶兒既對話。 


「應承我,以後唔好再做傻事。」 

「唔得喎。」 

「吓,咁架咩?」 

「可能你會整到我唔開心,跟住我又介架喇...」 

「咁啊,你應承我,你以後只可以為我一個介。而我,會盡我最大努力令你開心,唔會比你介手,好冇?」 

「嗯!」 

「點啊,你有冇事啊?」老實講,我驚到屎都瀨。 

「哈哈,你睇下你幾擔心我。」寶兒流住淚笑。 

「對唔住啊...對唔住啊....」除左道歉,我唔知講咩好。 

係我逼到寶兒咁,係我累佢手腕多一條疤痕。 

眼見佢既血不斷流,好似唔識停咁,我真係好向左走向右走驚。 

我完全唔知自己可以做咩,真係好向左走向右走冇用。 

枉我一直以為「人渣誠」已經改過,點知,我始終都係一個人渣。 


我,又害多個。 

我好清楚,我唔可以再同寶兒再一齊,如果唔係我又會傷害佢。所以, 

「對唔住,我地分手啦。」血停左之後,我道。 

「嗯。」寶兒都冇再喊喇。 

「多謝你比我既教訓。」 

依句說話,直插我心臟。 

「對唔住。」 

佢左手既疤痕係一世既,而我地兩個卻唔係。 

對唔住,冇陪你到最後。 

就係咁,我同寶兒分左手喇。 


「我地分左手之後一兩日左右,寶兒就同左阿必一齊。」 

「原來係咁。」眼前既二人異口同聲。 

冇錯,寶兒同左阿必一齊。而我,咪自己一個捱DSE囉。 

依件事後,我都冇乜心機溫書,DSE都考到Seven下Seven下咁。 

間唔中返學校補課既時候,都試過係走廊撞到既。佢見到我,冇打招呼,我亦唔好意思揾佢。 

又變陌路人。 

唯一我知道既,就係佢冇再戴我比佢既錶喇。 

可能寶兒,已經忘記左我。 


寶兒─我的MK前女友


「Hi,咁個林優怡呢,仲有冇下文啊?」 

「算係有聯絡既。」我說。 

「媾佢啦,等咩啊?」 

「Auntie丫,人地都唔受我點媾啊?」 

「Hi,冇向左走向右走用。」 

係,介紹下依兩位先。左邊個位叫琛仔,右邊叫阿仇,係實習試識既朋友黎。我地咁啱同一組,三個一見如故,依家間唔中都會約出黎吹水。 

今晚,我地三個男人飲住啤酒,坐係公園互訴心事。 

聽講,佢地都有段好淒美既愛情故事... 

而我,李志誠個段就講完喇, 

「好喇,我既就講完喇,到你地。阿仇先?定琛仔先?」說了一整晚,終於都講完自己的故事。 

有一種鬆一口氣既感覺。 


今次真係完喇,「人渣誠」既故事真係完喇。 

全文完。