樹洞《外傳》

林悠喻與隨心日結婚後的第八天。

太平山山頂別墅。

「老公,」阿喻拉拉我衣袖:「你間房有好多舊書呀!洗唔洗執下佢啊…?」

「咩書……?」



「中學嗰陣既書囉。」

「哦……去睇吓先。」我走了進房。

因為阿喻即將要搬入來跟我住,所以也要執拾一點東西,但以後我們真的可以永遠在一起。

「真係咩書都有。」阿喻拿出滿佈塵埃的中學書本。

就在這時……我突襲阿喻後腰!



「哈哈!」

「嚇死我咩!」阿喻轉身望住我。

「哈。」我輕撫阿喻的頭髮。

「仲當我係細路仔!」阿喻一臉淘氣看著我。

就在無意間,我在電視看到一則新聞。



「政府計劃將寶康公園拍賣,估計一億元起價……」

「老公……!」阿喻驚訝地看著電視:「我哋既小公園呀…」

「寶康公園……」我看著阿喻:「我哋幾年前係唔係放咗一塊樹葉喺入面?」

「係呀…」

「去囉!?」

我拖住阿喻去了到將軍澳的寶康公園。

很久沒見的一個地方……

秋葉依然落下……地方依然寧靜……



我回想起當時跟阿喻在這裡一起避開俗世的感覺。

我走了過去當年的樹下,再用手把泥土翻開。

泥土中放著兩塊葉子。

阿喻馬上搶走寫著自己名字的一塊樹葉:「我既!」

「睇都唔睇得?」我拉拉阿喻的手腕:「喻喻B。」

「哎呀……!好肉麻呀你!」阿喻把我推開。

「我要睇!」我強行搶去阿喻的的樹葉。



「堂堂一個Steve Tsuik大老闆咁樣比人睇到你估有幾多人笑你!」

「喻喻呀!」我向阿喻撒嬌。

「睇囉睇囉!」阿喻把樹葉我。

「隨心日,我愛你。」樹葉上寫著。

「就係咁簡單…?」我看著阿喻。

阿喻會心微笑點點頭。

我愛你……

三個字……



很簡單。

「阿喻。」

「吓?」

「我愛你。」

在樹下的我吻了阿喻一下,原來一直以來阿喻對我的感想……只是簡單的三隻字……

我愛你。

──《外傳完》──