自從我冇左你，我唔再係自己: 你好呀！我叫呀朗

照完鏡，係時候上路喇

我係話去岀街行下啫
今日唔死住
哼！

筆記、筆袋、咦？
我個耳機呢？
吖！喺度





我同你講吖，冇左個耳機岀街真係死左佢好過

我好想拍拖呀屌

行到岀去，有個黑影秒速五公里咁飛過黎我度
嗚哇！
喵？
超！又係你隻衰貓，知喇
翻黎俾飯你食





啲人話有養貓狗嘅男人都幾吸引吖
到底係邊個講架 我發誓我要推翻佢
真心你都on撚99嘅 仲有2個條件架麻
一係你靚仔
二係全世界啲女都係盲嘅

算數
我認我有樣，不過朴寶劍生到成面痘痘咁囉
揾鬼要咩！
喵？




好彩我都仲有隻貓女陪我啫

喵喵喵嗚......
得喇 知你餓喇大小姐
奴才好快翻黎

唉
男人老狗
冇女都算
我仲要做貓奴
係專業嗰隻🙄
真係冇鬼用

「你係咪呀朗？」
「我係呀，你係要補英文嘅Christy？」




Christy坐低左之後我就開始同佢補習

其實我就冇咩興趣同人補習嘅，不過又係啲人話嘅
日對夜對 對住幾年實有感情架喎
啱呀 不過有幾多個會補你補足幾年？

不過至少，尼度有一個
一個又傻又長情嘅

不過唔傻又點會有宜家嘅自己？