現場所見,已經有大批市民聚集,而警方。。。麥方亦已經加派人手維持秩序,並喺現場架設大量鐵馬,分隔漢堡包同煙肉蛋嘅支持者。

依次事件嘅起因,係因爲煙肉蛋支持者不滿漢堡包未有通過公民提名而直接成爲免費包。同時,漢堡包支持者亦認爲煙肉蛋的當選未能符合提名委員會嘅有關規定,質疑其合法性。

另外,由於有示威者認爲煙肉蛋除咗咸,好咸同極之咸之外,基本上係無味嘅。於是,有關方面亦作出咗一D特別嘅安排,現場所見,一隊防暴警察正在向輪候攞包嘅市民施放胡椒噴霧,據稱依D胡椒噴霧當中係含有上等黑椒同各種印度香料嘅。

就現場所見,兩批支持者不時會互相謾罵互相推撞嘅場面係完全見唔倒嘅,SORRY!

而喺事發地點附近,情勢亦相當緊張。





市民紛紛將剛到手嘅漢堡包塞入口,狼吞虎嚥根本無法形容佢地嘅存在狀態,其中幾人估計塞得太急亦塞得太入,已經臉有紫色,生命垂危噉樣。

當中有一男子只差十步就要入閘搭地鐵,而煙肉蛋還有大半未食,一男子見狀只好張開血盆大口,一臉狼相地狼吞漢堡。

從螢光幕左下角嘅右上角,我地可以見到一名貨車司機正在進行生吞五個煙肉蛋嘅驚人表演,吸引咗好多途人圍觀,場面感人!

嗯,大家再望向右手邊,係喇,右手邊,你地有冇發覺自己隻左手唔見咗呢?

嗱,係喇,無錯,一直阻手阻腳嘅左手左膠,終於喺大家眼中完全消失喇!





陳道士果個先殺曬D左膠,再同中共攬頭攬頸飲茶食包,然後就可以莫名其妙達致互不侵犯嘅宇宙級別鴻圖大計,就噉就俾大家實現咗喇,YEAH!

咳咳。。。我地都係睇返現場嘅情況先啦!雙方支持者仍然好有耐性噉喺度唔知等緊乜,而天色繼續轉暗,好灰!

喺我隔離嘅梁先生係第一批攞倒包嘅市民,係喇,你點解會支持煙肉蛋嘅呢?

邊個話我支持煙肉蛋?

但係你剛剛先啪咗兩個煙肉蛋喎!





我我我食煙肉蛋。。。係係係因爲佢免費,我我我一向都係支持漢堡包嘅!

噉你又。。。

噉你個頭!你幾時見過果班話要民主建港嘅能人支持過民主丫?佢地唔賣港都偷笑啦仲話建港。。。哎呀。。。。(幕後人員適時用踢走譚玉英姐姐嘅腳法踢走咗市民梁先生)

咳咳。。。嗯,好喇,現場嘅報道係咁多,交返俾直播室。

嗯,唔該曬,伍晃榮榮榮榮~~~~跟住我地睇返D本地嘅新聞。。。根據中新社嘅消息,失蹤多日嘅馬航客機已經決定咗。。。會繼續失蹤。。。。


 
已有 0 人追稿