第九章
 
辛辛苦苦終於捱到臨放學的最後30分鐘。我放在褲袋既電話微微震動,偷偷拿出電話,發現阿康的短訊。
 
其實好多人會覺得奇怪,阿康之前唔係話坐係我的後面的嗎?其實阿康同我只係做左幾個月的同班同學。當時佢覺得理科並不是他喜歡的科目,所以就轉讀文科(最主要原因我覺得是文科生女生比較多。
 
其實我同樣並不是理科的材料,有一刻曾經諗過緊阿康一齊轉課,但係屋企人一句讀文科冇出路,所以我先繼續理科。
 
好似越講越遠,入返正題講返阿康既短訊先。
 




「我諗通左,Karen雖然我係唔捨得,但我覺得下一條女會更加好,為左我既幸福著想。所以我星期六攪左個唱K活動,我預埋你一份。」
 
為左幸福著想同埋唱k活動,我真係諗唔到點解兩者會有關係。但係通常阿康攪活動一定會安排到女仔出現,只不過我能唔能夠認識又係另一回事了。
 
「預埋我一份,去邊間同埋時間你confirm左之後話我知。」
 
「已經confirm左啦,星期六2:00旺角火車站等。」
 
「到時見,話說你幾時再返學校上堂。」
 




「明天先返,情傷呢家野需要用比較長時間來平伏。」
 
「唔同你傾住,準備放學要執好個書包準時走。」
 
「執咩鬼野書包,你學下我咁,將d書放係學校啦!反正唔會有人會偷。」
 
「你理得我。」覆完之後我放返落褲袋準備放學。
 
之前借落既圖書今日到期,所以我放學之後,我又再一次去到公共圖書館。
 




剛好Ashley今日又係去圖書館。只不過我一放學就離開學校,佢就hea左一陣先去。所以我同佢只係在圖書館撞到,並唔係放學約埋去圖書館。
已有 0 人追稿