第十一章
「 我仲未有你聯絡方法,你可唔可以畀個電話我,我得閒可以同你whatapp傾偈。」
 
和Ashley等車既其間,我鼓起左最大勇氣,去問佢攞左電話。
 
「 你話畀我聽你個電話號碼係幾多號,我打電話畀你咪得囉!」
 
我之後畀咗個我手提電話號碼,佢跟手打咗個電話畀我。
 
「 喂喂!麻煩你阿full先生呀!」




 
「 喂,我係呀!請問你係邊個呀」 明明我就企在佢面前,但係我哋兩個人重係好白痴拎住個電話來傾偈。
 
「 呢度係圖書館打電話過嚟,想通知返你本書過咗期好耐你都未還,如果你再唔還書嘅話就會畀人罰款。」
 
「 我可以好肯定有冇話畀你聽,你係假扮緊圖書館職員,因為正常圖書館唔會因為未還書所以打電話畀讀者。」
 
「 點解圖書館唔打得電話畀人呀!」
 
「 你試下諗一諗,你一日唔還圖書,圖書館一直會增加罰款,佢又點會提前通知你要去還書先!」我一面講一面做柯南“真相只有一個”既招牌姿勢。




 
「低b仔。」Ashley講完之後,cut左我線同埋不停笑。
 
我份人其實冇乜咩嘢,當可以令到眼前既女仔笑,我自己做一下小丑又有乜所謂。
 
「 睇你個樣,我估唔到你平時唔太出聲咁cool,但你又夠膽可以做一啲好低b嘅動作。」
 
「 平時我需要顧及我嘅形象,所以我唔會做呢d低b動作。」
 
「 你又唔係明星,你又唔係偶像,你又咩野嘅形象可言呀!」Ashley 一面反白眼,一面對住我講。




 
「 我只不過係想做出一個人畜無害嘅平凡學生形象。」
 
「 做咩要做呢個咁嘅形象出嚟?」
 
「 只要做出人畜無害嘅形象,咁其他人就會覺得對你冇乜攻擊力無乜影響力,唔會去搵你麻煩。」
 
「 有咩麻煩會搵你,我唔係好明喎!」
 
「 你試下諗下啦!當你一個人係好受注目嘅情況 當其他同學需要人幫手嘅時候,佢哋會第一時間諗起你,呢啲就係我所講嘅麻煩! 我個人唔鍾意付出同收穫唔成正比嘅事!冇著數既野我係唔會做。」
 
「 原來係咁,但係我覺得幫下手,又唔係啲咩嘢特別要付出好多嘅一回事。」
 
「 你可能講得啱嘅,但我個人天生比較懶,所以唔好叫我做多餘嘅事。」
 




「 可能每一個人諗嘅諗法都唔同,有時候可以幫得到既咪幫囉,有時啲嘢人哋叫你幫手又唔係老馮一定要做既。」
 
「 你架巴士到啦!唔講咁多啦,你上車先啦!」剛好巴士嚟到可以幫我解到圍,如果唔係我都唔知點樣答佢好。
已有 0 人追稿