第二十四章

好唔容易終於等到Ashley返到學校個日。

我一早返到學校,就見到佢坐係個位, 佢一面聽歌一邊喺度睇小說。

「咁早返到呀!除左第二日返學你早過我,之後你都遲過我返課室。」

「 太耐冇上堂啦,所以我想早啲返到嚟,坐喺課室靜靜地睇下書先。」





「我想問下你個日係突然間返大陸,定第二日先返咗大陸㗎?」

「我唔話畀你知。」

「懶神秘咁,你個日買嘅野你諗住幾時拎返呀。」

「我想今日放學去你屋企拎返,你得唔得?」

「唔係唔得既,但我屋企好亂喎,你介唔介意先。」





「又唔係我屋企亂,所以唔介意啦。不過一陣我要還左書先走得,你要等一等我。」

「冇問題呀,我陪你去圖書館還完書再一齊走。」

其他同學陸續返到課室,返到嚟見到佢,大家都好關心同問候佢, 但係佢一直都冇同大家講究竟呢個星期有咩野事發生。

一個星期冇返學,同時間代表佢一個星期嘅功課冇做到,老師需要佢補交返呢個星期既功課。所以我諗呢個星期佢都唔會得閒。
已有 0 人追稿