愛是恆久忍耐: 第四十一章

第四十一章

「新年快樂,尋日好早訓左睇唔到訊息,有野想請教下你,有時間打個電話俾我。」訊息發出不到五分鐘,阿康就打電話俾我。

「喂！有咩野事要問咁緊張,重要到我打電話俾你先講得？」阿康既聲線似啱啱訓醒,但背景既聲就非常嘈吵,應該在街上。

「我想問下咩情況之下,女仔會突然變得對你冷淡?」

「咩話?你把聲距離好遠同好細聲我完全聽唔到你講咩?」





可能我用手提電話免提裝置的關係,加上在醫院我唔想大聲講電話,所以阿康身處的嘈雜環境下,完全聽唔到我講咩。

我嘗試拿起免提裝置的貼近嘴邊,然後再次重複啱啱講嘅說話,結果阿康都係話聽唔到我講咩,所以索性佢就嚟咗醫院搵我。

「做咩事要令到你咁心急一定要我答你,同埋好心你唔好再用耳筒嗰隻handfree,我完全聽唔到你講乜嘢!你宜家再講多次你想問我既問題!」

「我窮呀,買唔起靚既無線藍牙handfree呀!我想問,喺咩情況下,女仔會對你突然間變得好冷淡？」我再次重複我想知道既問題。

「吓,有好多情況都會令到女仔變得好冷淡,我要知道你究竟對佢做過咩嘢,先可以分析得到。」





阿康講完之後,我就將我同Ashley既對話過程俾佢知。

「我覺得你應該要盡快同Ashley道歉。」

「道歉不是問題,但是我比較想知道我對話當中,有咩原因令到佢會突然對我冷淡左。」

其實本身我都有諗個道歉,但係我都想知道我道歉嘅原因先。我不是想逃避責任,只是我怕她問我道歉原因時,我答不出來。對於道歉原因不明的情況下,呢個根本不是解決問題的辦法。

「 首先,對方既壓力,並唔係你一句話無需要自責,就可以當冇事發生。其次,當熟悉既人在面前發生意外,佢可能面對既唔止係壓力咁簡單,佢有可能更需要面對意外後既恐懼感,佢經常性過來陪你,係想令到自己忙碌,從而忘記當時的意外經過。」





「這分析是出於你的個人經驗？」阿康講的說話是有道理,但是他的分折好像有些不對勁的地方。

「唔係,之前Ashley在你出意外個一刻,其他人報完警之後,佢用你電話打俾我,當時佢係嚇到語無倫次,不停重複講你撞左車,我要不停同佢講叫佢跟埋去醫院之後,我會跟埋過嚟,佢到我嚟到之前都重係好驚。經過護士安撫過同埋我都有陪佢傾過之後,佢先平靜落嚟。同埋係我叫佢令自己忙碌啲,可以令佢唔洗諗返當時既情況。」

「咁你做咩唔直接同我講原因出嚟,係要我講同佢嘅對話同經過俾你知。」

「我需要從你口中得知事情既經過,先知有咩地方有問題,我一開波就同你講啱啱講既野,你會入耳咩？同埋我要你講出嚟,係想你喺回憶既過程,諗返起你自己有冇做錯到,但你好似唔知自己做錯左咩嘢。」

「咁正常見到佢好大壓力,叫佢唔好自責有咩錯。」我到呢一刻都依然覺得冇做錯唔應該自責。

「你條友真係唔識㗎喎！你錯在明知佢係自責緊,你都叫佢唔好自責,講野冇心聽者有意,你宜家同當面責怪佢有咩分別。」

我聽完阿康講之後呆左,我從來冇諗得咁詳細,個一刻我真心只係唔想Ashley再唔開心。但冇諗過呢一句話,竟然會對佢有咁大殺傷力。

「咁宜家可以點做？」





「等Ashley再來既時候同佢道歉,雖然佢唔開心,但我覺得佢會再來探你。到時候你再好好道歉就可以了,記得唔好再混講野,你唔洗問我點道歉,我只係同你分析件事,就算我教你點道歉,人哋點都會睇到,倒不如你真心諗一句道歉既說話好。我走自,條路我就指引左俾你,要點做就睇下你自己做化。」