愛是恆久忍耐: 第五十二章

第五十二章
Ashley陪我回到醫院,佢臨走既時候,我再問佢賭局要求會唔會想變。
佢答我唔會,當決定左之後就唔會輕易咁改變。

所以我唯有乖乖咁聽佢說話,去做復康的訓練。

兩個星期之後,醫院睇過我既康復情況,認為我可以出院,而我亦唔想再喺醫院坐監,所以同屋企人決定做出院既手續。

離開醫院當日,我同所有曾經照顧過我的醫生護士們,同埋在同一個病房既病人們一一道別。





我冇諗過在醫院短短兩個月既時間,我要面對既事可以咁多,雖然醫院帶俾我好多回憶,但屋企先係我既安樂窩,能夠出院對我來說是一件好事。

我將出院既消息同Ashley同埋阿康講完之後,阿康就決定左在我出院第二日同我慶祝。

慶祝地點是在阿康的家,他說我行動不便,如果約在外面慶祝的話,其實對我來說極不方便,而地點係佢屋企慶祝的話,雖然地方唔大,但比起外面既環境就一定會更加舒適。

在細節方面諗得好周到,呢樣我諗就係阿康受女生歡迎的原因。
出院既第二日,剛剛好是星期六,不用上堂的阿康一早就到搵我話接送我過去佢屋企。

我宜家其實可以唔洗依靠輪椅代步,但阿康講話今日等佢做一日推車手,坐定定係架輪椅等我安心交俾佢負責推出推入。





而Ashley今日就需要補課,所以就晏少少先會合我哋。