愛是恆久忍耐: 第五十七章

第五十七章
返到屋企，我有好好諗過阿康嘅提議，2月14日約Ashley出嚟。

但到時要做咩嘢，同埋洗唔洗準備禮物呢個問題，困擾左我一段時間。

拖延症發作嘅我，結果去到2月10先真真正正決定要點做。

關於禮物方面，我決定咗親手做一份禮物俾佢，最近嘅天氣都比較寒冷，所以我就諗住親手編織一條頸巾俾佢。

通常男生都是收到頸巾的人，而織頸巾應該是比較少有吧！





於是我同老媽子講，聽人講手織工藝對於復康有幫助，所以要求她教我織頸巾。

未學之前，本來我重以為織頸巾喺一件十分困難嘅事情，但原來係一件好簡單嘅事，除咗偶然一兩次漏針的情況，我好快就上手。而且織頸巾並不需要用到太多的手部動作，並不會對手造成太大的負擔。

因為時間比較緊迫的關係，我織的頸巾不是用最幼的線，而是用較粗的線去織，初學者如果用幼線要花的時間會比較長，而且很容易出錯導致要重新再織的話，一定趕唔切2月14日送出。

終於時間去到2月13日當晚，屋企人食完飯之後就出左去行花市倒數完先返屋企。這是他們每一年的習慣，往年都會強迫我一齊陪佢哋出去。我最怕就係人頭湧湧，但老豆話熱熱鬧鬧咁先有新年的氣氛。

今年我行動不便的情況下，就直接叫兩位老人家好好享受一下二人世界。





我唔想出去最主要嘅原因，其實我重未織好條頸巾。

現在的時間喺9：30，我條頸巾而家去到埋尾嘅階段下，我估計用多幾個鐘頭就可以織好。

埋尾收針嘅步驟我會自己先嘗試一下，如果真係攪唔掂先叫老媽子出手相助。

一路織到唔記得咗時間，直到樓下傳嚟汽車嘅響咹，我先知道已經過咗十二點。