[非甜] A0輕熟女求愛日記: 第一篇日記

4月1日

        今日係我步入輕熟女一列既第一日, Happy Birthday!

        輕熟女族群泛指年紀25歲至35歲之間，擁有獨立的經濟能力的都會女性。

        雖然我就無獨立既經濟能力, 但就岩岩今日25歲, 總覺得要有點改變先得, 例如搵番個男朋友。

       但作為A0既我, 邊有咁容易脫單呢, 所以由今日開始, 我會積極點, 去Speed dating, 開埋交友app.....



       同埋今日買左本貴貴地既日記簿比自己, 等自己記錄下我既A0脫獨 A0輕熟女求愛誌!

       今日生日正日同左我既鐵腳Best friend Natalie 同 Andy食飯, Natalie單身左3個月又拍拖喇。

       佢話其實交友app真係好易識人 ,依家呢個都係咁識,  介紹左幾個app比我同Andy, 仲話依家邊有人去Speed dating咁話, 但我諗我咩方法都會試下先。

       講真, 靚女我就真唔係, 但總算係正正常常啦, 153cm高 100磅, 做個普通秘書仔咁。

       細個唔係無人追既, 但屋企好嚴, 講明未到明讀書時期唔可以拍拖, 所以成個讀書時期都無仔。



       到出黎做左2-3年野之後發現, A0出Pool係好難架, 日日番工放工對住啲中女中佬已婚同事, 愈來愈難到異性。

       本來之前都覺得唔急, 但身邊既朋友都話25歲之後仲難識人, 吸引力又開始下降點點點, 所以點都開始為自己諗下喇。


ps. 今日Facebook見到中學同學啊Wing被求婚呀, 佢男朋友係中學同一from既靚仔師兄, 佢地拍左8年拖。


--------------------------------
薯薯: 頭幾篇引入會短d, 多謝大家睇!