[非甜] A0輕熟女求愛日記: Chatting進行中

4月3日

        一早起身就見到兩個陌生電話既whatsapp message, 應該就係琴日speed dating既其中兩個。

        係男護士David同Sales 啊Sam, 分別都係講一啲好開心認識你, 多謝你都剔番我既打招呼說話, 咁我都好有禮貌咁回番佢地message, 再寒喧多幾句, 啊Sam可能sell開客, 相對都比較主動同多野講d, 其實以佢把口都唔洗去speed dating啦。

        至於男護士David就含蓄d, 真人同message都比較文靜點, 都算係話題終結者個一類。

        而當中比較沉穩既工程師啊偉就無搵我, 我諗住如果佢今晚都未搵就主動send message先, 起碼識多個人先。



        今日Lunch同Pauline分享左我既speed dating情況, Pauline 3年前都去過一次, 就係咁而識左依家個老公, 所以就算啊Nat話依家speed dating已經out, 但有成功故事在前我都想試下。

       下畫冇野做, 我都有google下d app既玩法同睇下d成功故事, 以此鼓勵下自己。

       放工食完晚飯我就send左個message比工程師啊偉, "Hello 我係琴日既琬琪, 做秘書個位 =)"

       之後都有Keep住同啊Sam傾下, 但愈傾就覺得唔係好岩channel, 而自己又唔鐘意d咁chur既人, 所以可以放緩下慢慢傾。

      男護士David就因為番緊夜班關係無咩時間傾到計, keep住咁先。



       一直到臨訓前呢刻啊偉都無覆, 睇黎都冇咩機會喇。

      哎呀, 出師不利添, 之後要繼續努力喇!