那年我20歲asso yr1，用左141叫雞(重甜): 第三部-第四章：再一次相見（一）

嘟嘟...嘟嘟...嘟左幾下後，蛇頭終於接聽，佢接聽果下我即講：「唔該，我想約vivi，想問今晚有無時間？」，蛇頭應返我話：「都得呀，睇老細你想幾點黎？」，我：「咁就今晚9點」

結束左通話後，我既心情變得更激動、更興奮...我終於可以再見到條女啦！而今次，我決定無論如何都要同條女拎聯絡方法。呢一刻，我決定唔會再諗太多！於是情感咁就戰勝左理智，我心諗：「唔理咁多啦，火裡火裡去，水裡水去掉，沉船就沉啦！」

等待既時間真係變得好慢長，完全就係度「時」如年，係9點前呢幾個鐘真係好難捱...好難捱...所以我只好繼續望住條女d相去消磨時間。係呢段時間，我連食飯既心情都無，心入面淨諗住條女，好想再見條女呀...

好唔容易咁，終於捱到8點...而由我屋企到酒店大約需要45分鐘左右，所以我8點就出門，因為想早小小到，然後我就搭上往尖沙咀方向既地鐵去...