那年我20歲asso yr1，用左141叫雞(重甜): 結局篇-第三章：美夢

呢一覺，我發左個美夢，夢見我同婉婷步入禮堂。

牧師：「梁家明，你願意娶林婉婷為妻？愛她、忠誠於她，無論她貧困、患病或者殘疾，直至死亡。你願意嗎？」

阿明：「我願意」

牧師：「林婉婷，你願意嫁給梁家明為妻？愛他、忠誠於他，無論她貧困、患病或者殘疾，直至死亡。你願意嗎？」

婉婷：「我願意」



之後我同婉婷兩人宣誓，之後就交換戒指：

牧師：「願天主降福這對戒指，請你們互相交換，做為親愛忠貞的信物。 」

然後我拎起婉婷隻手，幫佢戴上戒指。我戴完後，就換返婉婷幫我戴戒指。跟住落黎，我揭開婉婷個面紗...此刻既婉婷真係好靚...好靚...我輕吻左婉婷一下，就咁...我同婉婷就正式成為夫妻。

我真係好想繼續留係個夢入面。而夢入面，婉婷著住白色婚紗，好靚...真係好靚...。但夢始終係夢，終會有醒既時候，所以我就訓醒左啦。而起身果時，我係到諗「如果呢個夢可以成真，你話係幾好既事呢。我唔會比佢淨只係一個夢，我會將呢個夢變成現實！」

我再望一望時間10點半，心諗：「婉婷應該未訓醒」，但我都照wechat左個「我起床了，婉婷早安～」比佢。跟住去左沖個涼，令自己醒神d，沖完涼著完杉鞋，就準備去挑選我第一份送比婉婷既禮物。呢份禮物係非常重要既，隨時關係到我表白成唔成功，所以一定要慢慢簡同認真咁簡。



而當我就出門前一刻，wechat通知聲起，婉婷覆我啦：「早安阿明～我剛剛才醒呢」。

阿明：「我知道呀」

婉婷：「嘻嘻，阿明今天還會來嗎？」

阿明：「當然會去...但應該要晚一點，可能7點」

婉婷「好的，那我等你來囉～」
「阿明，先不說了，我要化妝了」



阿明：「好的」

一句簡單既早安同晚安，已經令我感覺到無比既幸福感，毒L們你地係唔會明！然後我帶住呢份幸福感出門口，準備去尖沙咀行下，睇下有咩禮物可以買。