一年過去,話咁快就考晒DSE到左謝師宴嘅呢日,我地已經順利完成埋中六呢半年。

女?我都係仲未有,我好想有條女係我身邊陪我,我想免費扑野,

而依家我淨係見我地級嘅人,男嘅著得靚靚仔仔,個個都唔少得身上套老西,女嘅就化晒妝,衫就有幾少著幾少,懶係想俾人屌咁樣,真係山雞都變鳳凰。

可惜遠觀而不可褻玩焉,加上學校啲女太清楚我嘅鹹濕性格,啲女唔會俾我玩。

而我就平平地買左套少爺裝著,上面一件藍色吊帶格仔衫配煲肽,下面就一條淺啡色牛仔短褲,冇佢地著得咁靚仔, 魅力已經輸晒俾班有米仔。



「喂,豪哥,好耐冇見!」

突然後面傳黎叫我一聲拍我膊頭。

「咦HI阿偉,好耐冇見!」

原來係何紹偉,我同佢已經成兩個月冇見。

「點呀鹹濕豪,你嘅願望達成未?搵到女朋友未?」



估唔到一場兄弟咁耐冇見一黎就黎一句呢啲開場白。

「屌你咩緊係未,邊學得好似你咁日日有女屌,爽皮啦你,依家就係度串鳩我。」

「我問你一句姐唔係串你,唔洗咁再意喎,想當年兩年前開學嗰陣呢句係你問我。」

阿偉笑住咁講。

「你威晒啦,以前問你一句你就有女,你係咪暗示依家祝福緊我。」



「理撚得你個臭豪點諗,HAHA。」

阿偉每次講野都會笑笑口,驚死氣氛凝重。

「係呢,你同你個彤姐點?」

「仲可以點,咪又係咁,互相扶持囉,去SWEET囉,誘惑下我囉,扑下野囉,都係咁靚囉。」

「咁你將來點打算?」

「自考完DSE之後我呢排都有去返下工,我諗住遲啲同佢租屋搬出去住。」

「係你搬出去住之前,我同你講個秘物好冇?」

「講啦。」



「呢個秘物埋藏左係我心入面好耐唔敢講,上年你俾TINA搞到入院嗰排我咪同你講過"帽"事嘅。」

「個"帽"內有意思?」

阿偉個樣突然變到好認真。

「其實你條女去做雞...唔係...係上唐樓招客嗰日阿強其實上過去幫襯,嗰陣應該係你條女第一日招客,你仲未搵到佢。」

「據阿強口中所述佢嗰日叫左隻高級雞屌得好爽,但就見到佢喊緊,好似好唔情願咁,事後先知原來嗰個係你條女。」

講完空氣間沉靜左3秒。

「其實......呢件事阿彤已經同我講過。」



「屌你個臭鳩,仲扮晒嚴肅咁。」

「我初時聽都好嬲,好想搵阿強打一鑊,但再諗深一層呢件事阿彤係不情願,而阿強亦不知情,所以呢件事唔怪得佢。」

「最緊要我同阿彤係真心相愛,佢日後唔會再咁做就得,過去嘅事都改變唔到。」

「你地兩個冇事就得啦,幾驚因為你個頭綠左搞到要散。」

「我同佢冇咁易就散嘅,我地會白頭到老,過去嘅事就唔好再提。」

「你地經歷過咁多事就緊係,我依家諗翻起我以前都應該搵個女補習老師上門幫我補習,然後就可以好似你咁補埋上床。」

「講呢啲,呢啲機會你仲可以爭取返黎,去多啲場合識下女啦。」

「炮友唔易搵。」



我覺得有個炮友日日有得屌都唔錯。

「屌你專心搵條女做女朋友算啦,有性有愛先係至高享受。」

「聽你講到咁正,我盡量識個女朋友啦,咁就食得餐落,還望日後條女唔好俾我玩殘。」

「有你呢句我就放心,飲杯啦。」

阿偉拎起隔離杯酒同我乾杯。

「兩條on9仔你地著得幾靚仔喎。」

突然隔離有把粗魯嘅女仔聲,原來係bobo姐,佢仲係咁肥,著住件黑色連衣裙,佢著衫著得咁少更顯露佢嘅肥身型。



「hi bobo姐,好耐冇見。」

我地兩個向佢一齊打招呼。

「平時見你地兩條彈散樣樣衰衰今日又著得幾靚仔喎。」

「多謝,你都係姐著得咁靚,顯得你更豐滿。」

阿偉暗串佢一句。

「話說我前幾日去探TINA監,佢瘦左好多,佢話佢終於知道錯,覺得以前唔應該迫你鐘意佢,亦祝你同阿彤幸福咁行落去,希望你原諒佢。」

「佢肯改咪幾好,最緊要佢知錯姐,你同佢講,我同阿彤會原諒佢,叫佢出到黎唔好再害人就得。」

阿偉嘴角向上揚露出微笑。

「咁咪幾好,連TINA都變翻好人,幾時到bobo姐你都改下嘴賤嘅性格 haha。」

我對號入座咁答左一句。

「我嘅事唔撚洗你理,你顧好你自己股性慾先啦淫閪。」

我同阿偉即時靜左。

「你地聚埋一齊傾咩傾得咁開心。」

突然又再多左把男聲,佢著住一套銀色西裝,原來係林sir。

「林sir靚仔左好多喎。」

死對頭阿偉即時擦一擦鞋。

「我地已經最後一次見,唔洗再擦鞋,聽你老母講你成績進步左咁多都係多得個補習老師,令你呢篤屎都可以翻新成黃金,我真係完全低估左你。」

「都唔少得林sir你咁多年嘅付出嘅,冇你就冇我呢個死對頭學生,多謝你。」

「點都好,你將來就要睇人面色做人,就要當我係個boss,到時就真係要醒醒定定,日後大有成就再黎多謝我都未遲。」

「緊係要多謝你啦,你咁多年訓練到我忍耐力咁好,你無功都有勞。」

我望住阿偉同林sir傾得咁和諧,最後竟然可以化敵為友,我都為佢地感到開心。

呢晚就係咁同何紹偉、bobo姐、林sir聚舊左一晚,亦飲酒飲左一晚,

見住本來死對頭嘅人都逐漸消除恩冤,我突然都倍感放心。

可能依家嘅事情係一個結束,但我覺得將要踏出社會呢件事先係一個真正嘅開始。

唔知日後幾時再有機會同呢位兄弟相聚。