【愛情甜故】我同條女敦倫的日子: 瘋癲經歷

之後一個禮拜，茹姐都接連不止地約我出去玩，每次活動都好精彩，但出到黎就成日打我，

踩單車:

「哈哈，黃芷茹你竟然唔識踩單車。」

「所以我四輪囉。」

「頂你醜唔醜啲咁大個人仲踩四輪，我就唔同我踩兩輪就得。」



「家陣你係咪串我，你咪走我啊，我一定抓到你。」

茹姐踩住佢部四輪車全速前進去追我部兩輪。

「夠姜你咪追我囉，追到我先算。」

見佢追我我即刻加速，我一加速佢就漸漸遠離我，其實佢部四輪又點夠我部兩輪追，我睇死佢唔會追到我。

「頂你咪走...」



最後佢要我等佢先追到我，呢日係我第一次見證住佢踩四輪。
.
.
.
做GYM:

「阿豪你做嗰陣隻手握住個柄要直唔好彎。」

我係部推胸機推緊胸，茹姐就過黎指點。



「但唔彎好難推出去喎。」

「頂你彎嘅話你手腕咪易傷囉。」

因為我唔想好似瘦到成條柴嗰啲人咁樣較到最輕黎做，所以我較左50KG，對我呢個冇做gym嘅人黎講超重。

「呀...頂推唔到。」

我出盡力去推上去，但當上左一半就再上唔到。

「好心你咁廢就唔好較咁重啦，扮晒大隻。」

「之前單車串我串得你開心，今次仲唔俾我串返你哈哈。」

茹姐見我推唔上就係度串我。



「隻手嘅力我唔夠姐，我地去挑划艇機，我一定贏你。」

我唔服氣，所以叫佢去同我玩划艇機。

「好啊，我地玩500米，睇邊個快啲。」

好快我倆坐左落划艇機，佢係我隔離，我扣緊腳帶拉住個柄準備倒數開始，

3...2...1，開始!

我一開始出盡力向前向後咁划，划得好快，而茹姐就拉得冇咁快，

睇佢部機個距離已經漸漸同我距離相差越黎越遠，我心諗我今次一定冇得輸。



「划得咁慢嫁，唔係好有信心會贏咩，睇黎呢鋪我贏硬。」

見佢划得咁慢我即刻串返佢。

「睇下點。」

我死划爛划越划越攰，直至去到最後200米我已經喘晒氣，連划嘅力都開始冇，越划越慢，

相反令一邊廂，雖然佢都有喘氣，不過佢仲keep得到個速度，佢仲有250米，

當我去到最後150米佢就已經越過左我，仆街原來划到最後先最辛苦，我已經攰到想死，

而當佢划完我就仲有60米，竟然俾佢贏左，一心以為划艇機好輕鬆，點知原來咁辛苦。

直到我划完佢已經冇喘氣，換言之我就喘晒氣，疲態盡露。



「你唔係話一定會處我咩，點解又輸左哈哈。」

「你...你唔好蝦我初初黎做gym，遲啲等我...做慣左我一定贏得你心服口服。」

「聽住先啦，你依家力又冇氣又冇仲點做男人，叫你保護條女都難啦。」

「你唔好得戚睇住黎...攰死我。」

就咁樣呢日我俾茹姐串左兩次。
.
.
.
唱k:



「...內爆料多，回家避難，紅茶油漆，阿母多瘦，他們沒有瘦...」(將韓文譯至中文發音)

茹姐佢竟然點左首韓文歌黎唱，係G-Dragon首crooked，我都唔知佢唱乜春，唔識就係度鳩唱，佢仲要激動到企上張沙發黎唱，睇佢心情十分亢奮。

「頂你個肺係咁唱韓文歌，鳩唱完未幾時到我唱。」

「G-Dragon真係好靚仔，等我唱多首佢嘅歌先啦。」

我同佢講野佢完全唔show我，淨係對住個mv發晒姣。

「好啊你繼續唱，等我影低你個柒樣po上ig哈哈。」

我拎出手機按錄影，手機見到佢什至企埋上張台上面邊跳舞邊唱歌，佢已經進入無我狀態，我黯住嘴係咁偷笑佢。

你唱下唱下突然唔小心差錯腳成個人仆左落地下。

「哈哈哈，你都有今日，你唔係唱得好興奮嫁咩，做咩仆街哈哈...」

我一見佢仆街就即刻笑死佢，可能呢啲就係佢壟斷唱k嘅惡果，睇人仆街真係最開心，而佢就一臉無奈。

「起身啦柒頭，哈哈。」

雖然佢仆街真係笑死我，但我亦不忙去拖返佢起身。

「家陣係咪好好笑，仲笑!?」

佢好似回復返清醒，係咁打我肩膀叫我唔好再笑。

「最搞笑係我錄低左你仆街個樣哈哈。」

然後我俾條片佢睇返。

「頂你幾時錄嫁?唔好po上ig。」

「唔好意思我po左啦哈哈。」

「頂你，俾人睇到晒我咁樣衰，下次我都要po你啲柒事上去。」

「哈哈哈。」

唱k呢日佢街我真係笑極都笑唔停，呢次佢已經自行山以黎第二次仆街，

同佢出街就係咁，唔係佢串我就我串我佢，同埋乜都可以笑餐死，真係你話我心情唔開朗都難，嘻嘻哈哈又一日，

所以呢個禮拜真係同佢玩得好癲，希望我地可以keep住日日都可以玩得咁癲。