我地見情況不妙,當然都加快步速落去,茹姐亦扶住欄杆兩級兩級咁跳落得都幾快,真係慶幸佢有運動底子,

相反我就怨自己以前冇好好去鍛鍊,我兩手托住阿欣大腿孭住佢落左一層樓已經好攰,腰背同二頭肌猶是疲勞,

落每一步樓梯都極為沉重,你都咪話膝頭唔攰,如果我以前肯多加鍛鍊依家就唔會咁廢,

不過為左阿欣我唔可以有一絲怠慢,就算幾攰都好我都要堅持住唔可以停低,

因為只要一停低伯母就好快會追上我地,咁樣就真係等死,而依家只要落多一層樓我地就可以落到地下,我死都要頂埋佢。



「阿欣,你要頂住唔好瞓,就差少少嫁咋!」

我擰轉頭望一望阿欣見佢已經要瞓著咁濟。

突然我J好痕,性慾再次升高,令我好想扑野,可能佢股體香實在太香,同佢一齊嗰陣陣香氣特別顯著,令我好易受到刺激。

「茹姐,快啲摑我一巴!」

「啪!」



然後佢就速速跳到我面前摑左我一巴,我塊臉瞬間感到臉紅耳赤超痛。

「你塊面已經好紅,我係咪打得太重手?」

「唔係,我都話你大力啲好,我唔驚痛。」

「唔講住,我地繼續起行。」

好彩茹姐呢次夠手快摑左我一巴,因為啱先淋水落我頭嘅效力根本唔夠,心魔好快就會再出返黎操控我,如果我再慢多幾秒恐怕已經出左事。
.


.
.
好快我地終於見到地下,只要落埋嗰10級樓梯就到達地面,我用疲勞嘅身驅孭住阿欣繼續落埋嗰幾級,而茹姐就已經爬左我頭係前面繼續兩級兩級跳落去。

「你地唔好再走,我唔會放過你幾條蛋散。」

伯母再次從後叫停我地,聲音聽落非常接近,就好似係從1樓落緊黎,我唔敢再望後面,都係嗰句,我綵你都on9。

我堅持住繼續落去,唔洗幾耐就落到左地下,我終於可以鬆一口氣,心情就好似跑步衝線一樣,

不過我仲唔可以停低住,我要去搵門口個看更,而咁啱大堂終於有看更坐陣,

看更一套黑白色制服,樣睇落係40多歲嘅大叔,唔理咁多我同茹姐用盡餘力繼續走向門口向看更求救。

「救命...救命啊,後面有人追殺我地。」



我大聲向前面坐係度嘅看更呼救。

看更亦即係保安,佢見到我地咁荒失咁逃跑後即刻上前暸解。

「你唔好咁驚住,你地究竟發生咩事?」

呢位保安講野帶有鄉音,幸好我都聽得明。

「後面...樓梯,有人拎住把刀追殺我地,你要救救我地,不...不過你要小心,佢好大力。」

因為啱先先由困境裡走左出黎仲俾我地搵到保安救命,心情難免會好心急,而依家感覺終於安心返,莫非呢啲就係女人所謂嘅安全感?

「後面?後面都冇人追黎。」



我聽到後感到有啲奇怪立即擰轉頭向後望,的確冇人跟黎,點解會咁?

「你真係要信我地,你見我地傷成咁就知冇呃你。」

「係呀,我地好難先走得甩嫁。」

茹姐都答辯。

「好啦,我去樓梯嗰度巡一巡,你去門口位等一等我。」

保安終於肯信我地,啱先佢一定覺得好荒唐先唔信我。

然後我孭住阿欣連同茹姐行到門口位,之後我先放低阿欣坐住。

「阿欣,你要撐住唔好瞓。」



說畢我就望住保安向樓梯行去,

正當佢行到樓梯口上左一級樓梯時,突然有把刀向佢頭頂劈下,保安反應都未黎得切,

血液立即向周圍四射,將地面、牆壁染成一面紅色,被劈中頭頂嘅保安定左係度,

當把刀拎起左之後,保安就即刻往後跌翻落黎仆低左,地面一片血泊,

而我同茹姐...已經俾前面嘅畫面嚇到呆左係度,連我地都唔相信眼前所見到嘅野。