過左唔知幾耐,我感到呢度好寧靜、好舒服,

我慢慢張開眼,眼前有一個湖,係夜色上顯得格外平靜,而我就坐左係一片草地上面,隔離仲有棵樹,

「阿豪你就好啦,依家有個咁好嘅女仔相伴住你。」

突然隔離傳出一把熟悉嘅聲音,我立即向左邊望一望,係阿欣,佢都坐左係度。

「阿欣!?係你...?我真係好掛住你。」



「你啊,你有冇好好地照顧阿茹?」

講起阿茹,我就諗起心魔嘅事,覺得心有餘悸。

「我...我係咪已經死左?我係咪可以同翻你一齊?」

「傻仔黎,你同我一齊做咩,你仲要照顧阿茹,依家你最緊要快啲醒返。」

佢咁講,即係話呢一切都唔係真實?



「其實我都好遺憾點解以前唔去多啲靚嘅地方浪漫一下。」

「都係我錯,我彌補唔返俾你。」

「唔緊要,之後有阿茹代替我去唔同地方,你成熟嫁啦,唔好再好似以前咁唔嗲唔吊。」

「阿欣,如果時間可以返翻去之前,我一定會好好對你,去痛鍚你。」

「唔好再諗返翻去之前啦,呢個世界冇如果,你依家一定要專注去珍惜一個值得你愛嘅人,放眼未來。」



說罷阿欣身邊又再次同之前一樣開始化成一粒粒光茫四散。

「阿豪你要快啲醒返唔好再瞓,因為...」

「因為你嘅命運唔應該係呢度止步,你人生仲有好多事等住去做。」

「阿欣你個身做乜野!?你唔好咁快走住再留多陣好唔好?我真係好唔捨得你。」

「我要走啦,依家嘅我已經死左,已經冇乜野好留戀,唔好再唔捨得我。」

「咁...咁我以後仲會唔會見到你?」

「我依家一走,恐怕我地都唔會再見嫁啦,因為我係時候要去投胎,盼就盼我地下世會再有緣相見。」

「你話係要去投胎?」



「你以後一定要好好保重,同埋珍惜身邊嘅人唔好令我失望,永別啦阿豪...」

說罷阿欣就此消失於我眼前。

「阿欣!!」

我大叫左一聲,然後周圍環境頓然變到十分躍眼,直至變到空白一片,我再都撐唔開眼。
.
.
.
直到我再可以開眼嘅時候,我發覺我正瞓係病床上,我又再次入院,菇姐同老母都守住係隔離,

「阿豪!你終於醒,你真係擔心死我。」



茹姐見到我醒左之後即刻過黎攬實我。

「茹姐?真係你?我真係未死?」

「傻嘅,你點會死左,我地大家都係度,我幾驚你真係會有事。」

「咁我係度瞓左幾日?」

「你瞓左5日啦,呢5日入面你情況都起伏不定,醫生診斷話你個肺穿左所以不斷流血,至於你點解昏迷咁耐佢地都唔知。」

原來我已經瞓左5日。

「阿仔,好彩嗰日啲救護員及時送到你黎醫院,唔係就真係難講。」

「咁呢5日我有冇啲咩特別?心魔有冇出黎搞事?」



「好奇怪,呢5日隻心魔好似死左咁乜事都冇。」

我聽完老母咁講我終於覺得有返希望。

「照你咁講,即係話心魔有機會已經消滅左。」

「佢嗰日用盡最後一淡氣都要上你身仲話要攬住你一齊死,最後佢博輸左,佢可能已經係救返你之前已經死左,存活率並唔高。」

「雖然話就話心魔有可能已經消滅左,但穩陣起見我決定呢半年入面都唔扑野,因為佢有機會係扮死隱藏係我入面等待時機。」

「阿豪,咁即係話你會繼續軟禁自己係間房入面?」

茹姐質問我。



「阿茹,出院之後等多我一個禮拜,我會用多一個禮拜軟禁自己,以防後患。」

「等一個禮科過左之後,我一定帶你周圍去玩,我應承過你嫁嘛~」

「算你啦,你總算係個守承諾嘅人。」

「對唔住啊BB,我嗰日又摑又你一巴,你係咪好痛?」

「痛嫁,所以你要彌補返帶我周圍去玩,不過講到錯你又冇錯嘅,始終嗰陣你俾心魔上左身。」

「即係你肯原諒我?」

「係啊,都唔知點解我呢個女友可以咁好人原諒一個打左我兩次嘅人。」

「錫晒你,我保證我以後唔會再打你!」

我立即錫左茹姐塊臉幾淡。

「阿豪,咁你係咪會繼續用凍水沖涼?」

老母亦主動關心我。

「係,我要行返以前嗰套。」

「但係以你依家嘅體質...」

「放心,一個禮拜姐,我實撐到唔洗擔心。」

「你係先好啊,唔好又搞到黎醫院。」

「嗯,我唔會令你難做。」