【愛情甜故】我同條女敦倫的日子: 最終章:陪著你直到永遠

半年後，阿偉同彤姐真係舉行左婚禮，場面十分虛撼，林sir、bobo姐嗰啲全部都有出席，

而我就第一次出席人地婚禮，所以都會覺得成個場景好新奇，

林sir著住套白色老西登場，成個白馬王子咁，人地睇到仲以為係佢結婚臨老入花叢，不過幾年冇見佢個m字額就高左，顯得老左更似個阿叔。

而bobo姐就靚左，佢竟然減左肥，成個人煥然一新，著住年白色連衣裙成個天使咁，

身型雖然仲有少少肥不過已經唔係以前個肥婆身型，睇黎佢都下左唔少苦功。



直到婚禮開始，阿偉同彤姐由門口慢慢走到台上，沿路換來大大小小嘅尖叫同鼓掌聲，場面好熱鬧，

彤姐著住條長到拖地嘅婚紗，而頭就蓋住一塊婚紗帽，又靚又有神秘感，

阿偉就著住套黑色新郎裝，gel晒頭，真係識佢咁耐見佢最型就係呢次，英俊瀟灑。
.
.
.
「你是否願意娶張倩彤作你的妻子......」



「我願意。」

「你是否願意娶何紹偉作你的丈夫......」

「我願意。」

一陣之後佢地終於宣誓，睇電視劇睇人宣誓睇得多，原來現實係同電視劇係差唔多。

「錫佢，錫佢，錫佢......」



當雙方答應左後就坐嘅所有人都叫左起身，叫佢地KISS，

最後佢地慢慢地越哄越埋終於KISS左一下，大家都為此拍晒手掌，包括林SIR都罕有地流露出佢愉悅嘅笑容。

就係咁從前嘅屌偉就此成為人夫，佢地以前經歷過咁多離合同痛苦最後都可以成為一場夫妻，我都為此覺得好感恩，佢地真係打死不離兩夫妻。

直至婚禮完左之後，林SIR即刻行過黎搵新郎傾計。

「喂何紹偉靚仔喎，話咁快你就擺酒，以前仲見住你著住套校服成個小學雞咁，不過都多謝你邀我出席你婚禮。」

「林SIR客咩氣，話晒我都係你教左6年嘅學生，你都知我地幾好"感情"嫁啦，點會唔叫埋你黎。」

「以前啊，唔怪得你啲成績進步得咁快，原來一直都有條女係你身邊幫你補習，依家仲做埋新娘。」

「哈哈邊度係，以前我都係略略地教下佢嫁咋，最大功勞都係你呢位班主任。」



彤姐一聽到林SIR講緊佢，即刻扮謙虛。

「點都好啦，既然你依家搵到一個同你行一世嘅女仔，你就一定要珍惜，唔好好似我咁一心情唔好就打老婆。」

識左林SIR咁耐真係第一次聽佢講係打女人嘅人。

「仲有啊，你第時出到黎社會做野一定要學識忍，唔好俾人屌幾句就"劈炮唔撈"，將來啲老細會惡過我幾千萬倍。」

「林SIR你字字真言我一定會記住，我唔會辜負你咁多年嘅"教悔"。」

「咁就好，不枉我咁多年以黎針鳩你去磨練你，我一早就覺得你係個人才。」

林SIR呢招咪叫馬後炮，屌完人先話其實係一個磨練，真乃高招高招!!



然後我聽完後不禁地笑左笑出黎，但就咁唔好彩俾林SIR聽到左。

「你笑乜鳩啊唐富豪，你都係啊，以前上你堂你睇鹹片已經俾我抓唔少，咪以為我唔知。」

仆街一個唔小心笑左出黎就俾佢注意到我存在，我仲諗住做一個存在感零嘅人。

「我係學生，你係老師，你都係打份工姐，何必以前要咁勞氣抓正我呢，我地其實可以互相尊重各有各做，咁樣咪可以達到win win局面。」

「冇見你咁多年幾時變到咁串要你黎教我做野。」

「我本來就識，係以前社工教我。」

「......」

然後林SIR就冇聲出。



「你都係啊，第時返工睇AV好心你就唔好睇得咁明顯啦，要睇就去廁格睇，打埋個熱飛機都冇人理你。」

「我以前就係因為教員室睇唔小心俾個女同事睇到話我變態佬，自此就留低左個深刻嘅印象。」

呢刻嘅林SIR簡直同兩年前嘅林SIR 360度轉變左，原來佢內裡係一個"壞男人"。

「不過你以後都唔洗自己一個解決啦，冇估錯你隔離嗰位應該就係你女朋友。」

「係啊林SIR，我叫阿茹。」

「唐富豪你就真係好運，本身淫蟲都可以識到個咁靚嘅女朋友，以後有條女幫你解決就唔好再自己一個睇AV。」

茹姐聽到後臉孔瞬間紅晒，十分老尷。



「知啦林SIR，你都係，同你老婆扑多啲連生貴子，唔好嫌你老婆臉黃珠老就擺頂綠帽俾佢戴。」

我知道佢係暗串緊我後我亦不甘視弱串返佢轉頭，之後佢又再次冇聲出。


過左唔知幾耐之後，到左拋花球環節，好多伴娘同女仔都湧到彤姐前面，

包括茹姐都湧左入去玩埋一份，彤姐擰轉頭一拋，花球往上一飛，個個都高舉雙手誓要接到花球，

最後，花球向住茹姐方向掉下，然後就掉左落茹姐手中，佢接實左!! 咁即係證明下一對婚人將會係我地!?
.
.
.
然而，5年後就真係到我地結婚，時間過得好快，

阿偉同彤姐都帶住個細路黎出席我地婚禮，至於林sir佢就冇出席我婚禮，

以前黎食花生睇婚禮嘅我，今日終於輪到我換上一套黑色老西、帶住一個著住一套白色婚紗嘅女仔步到台上舉行婚禮，進行宣誓。

「你是否願意娶黃芷茹作你的妻子......」

「我願意。」

「你是否願意娶唐富豪作你的丈夫......」

「我願意。」

我再次聽到同一番說話，原來換轉個主角係我，心情會如此緊張。
.
.
.
好快婚禮就完左，我正式成為人夫，我會同阿茹一直行落去直至白頭到老，

呢個時候阿茹就行過黎話有個好消息想同我講，佢表現得異常開心。

「老公...我有左。」

WTF!?阿茹竟然咁快就有左我骨肉?

「你...你講真嫁，你話你有左?有左幾耐?」

「兩個禮拜啦，你嗰晚呢...中出左我。」

「即係話...我就黎做爸爸?」

「係啊，你就黎做爸爸，係咪好surprise~」

「Yeahs，我終於做爸爸，我終於都可以做爸爸!!」

聽到呢個驚喜我開心到叫左出黎，真係冇諗過會黎得咁快咁啱時候，亦都證明我唔係不育，

其實曾經我有過一個夢想，就係可以做爸爸帶個仔周圍去玩，同埋睇住佢嘅成長過程，我覺得呢一切都會好奇妙，組織一個屬於我地嘅小家庭。

「恭喜晒喎豪哥，真係雙喜臨門。」

知道我有喜事之後，阿偉佢地第一個行過黎恭喜我地。

「多謝多謝...老婆你依家有左，一定要多啲留係屋企好好養胎唔好行黎行去，有乜事叫我去做就得。」

「知道啦老公，我就知你最錫我。」

「新娘子，如果以後有啲咩關於湊仔嘅問題可以問我，我一定會幫你。」

彤姐就勁啦，依家好似做左個全職師奶咁乜野都識，具備專業嘅湊仔經驗。

「嗯好，多謝你，以後我有咩要幫手就真係要你多多關照。」

經過今日嘅婚禮，睇黎阿茹同彤姐嘅關係又再提升左。

阿欣，如果你係度就好，你可以見證住我地婚禮，你一定會祝福我地，

嗰段日子真係好對唔住，不過如果唔係你嘅出現都唔會造就到今日嘅我，係你教識我乜野叫愛、點樣去愛一個人，多謝你。

唔知你係天上面過得好唔好，但我相信呢個一定係你最想見到景象，我總算冇辜負你嘅期望，

我同阿茹互相戴上戒子就代表我地會永遠一齊，唔再有除低嘅時候，

我總算可以真真正正咁愛一個人，我總算達成你死前嘅心願，令你係上面都過得開心，

相信我，以後嘅日子我一定會繼續好好照顧阿茹、保護佢，直到我地一齊老死，我唔會再俾佢變成第二個你，

就等我為阿茹創造美好嘅日子、俾佢一個幸福嘅生活~

上、下集嘅故事經已全部完結，多謝各位巴打支持，

不久嘅將來我會再重出江湖出故，期望各位巴打繼續多多關注~