咁樣算唔算師生戀: 兩年冇見

自從2016年年尾果次, 我地就冇再聯絡, 佢知道我同咗大學個男仔一齊之後
佢連平時半年一次嘅whatsapp都冇 基本上我地都冇再搵大家
加上我同中學果個男仔分手之後, L好似變到唔識我咁, 
連我生日都唔記得喇.... 咁K都冇再同我講生日快樂啦, 因為我都冇同佢講...
但2017年, K生日嘅時候, 其實我記得, 但我諗, 我依家都有個好好嘅男朋友啦
無謂騷擾人喎, 佢中意我嘅, 我搵佢又好似比個假希望佢咁, 
佢唔中意我嘅, 咁見唔見都冇所謂啦, 或者佢已經有個好好嘅女朋友,可能係我唔知姐... 反正佢自己生日都冇奇奇怪怪咁message我喇, 算啦~即使我記得佢生日, 想講句生日快樂, 都係唔講算了

直到2018年3月, 我搵佢, 唔好諗多咗, 唔關感情事
我搵佢係問機票姐, 我亦同時發覺, 我搵佢嘅時候


心情輕鬆咗好多, 唔會再覺得有啲咩咁, 所以我以為冇事

佢覆message依家都好hea, 全部都單字, 是非題
但call佢問野佢又即刻接電話, 語氣都正常，大家嘅對話 好似返返去以前熟悉嘅感覺咁
(講起call, 以前中四都有同佢煲過幾次電話粥, 我地都好似試過morning call過大家)

我Witty終於草夠錢喇暑假去歐洲喇 香港來回歐洲嘅機票都係佢幫我訂嘅
咁我見佢咁好幫我, 咪出來食下飯囉, 又咁耐冇見.

事隔多年, 我今次見到佢, 個心呯呯跳, 唔知點解. 我真係唔知點解


大家咁耐冇見, 咪咩都傾下囉, 照我地慣例, 避談感情事
但字裡行間自己探聽下對方嘅感情狀況啦
今次見面大家咩都講, 我連兩年前佢同L去黃金, 我有幾嬲, 以為佢地拍拖都話埋比佢地知.
佢又照慣例問 問我幾時結婚, 今次冇問我幾時分手. 可能佢知道我今次同呢個男嘅係好認真. 但我承認 我心裡面仲有佢 所以我就答, 人地肯娶我先算啦.

可能大家真係太耐冇聯絡, 我連佢轉過工我都唔知
開始識到有咁上下年資,佢又係度講舊時, 又係度數我地識咗幾多年, 數數下都6,7年
數數下佢又單身咗7年, 呢7年佢都係返工旅行, 返工旅行
咁佢有冇啲咩其他野我就唔知啦



我問佢, 你覺得你呢種生活仲會過幾耐.
佢話, 唔知架, 但應該一直都唔會變.
我問點解, 佢就話, 依家冇咩唔好吖.
我問佢, 你會唔會50歳走去娶個女人學人生仔架?
佢話, 到時可能係你呢, 到時變棄婦

我聽到呢句, 笑咗一笑, 同佢講, 你咁黑心成日想我散, 仲要咀咒我變棄婦....
我心諗, 其實要等一個人, 唔洗等到佢變棄婦架....
只要你早啲同我講...唔好等我嫁咗先講
有啲野恨錯離翻啊...

如果你係純粹講笑嘅, 我希望你唔好拎呢啲野來開玩笑
因為我認真架...