[愛情甜故] 因為一次睇到佢打飛機,所以我地變咗做炮友: 22.過夜(上)
我瞓醒嘅時候已經係夜晚
「隔離冇人...出咗去呀…」我望咗隔離個空位一眼
我攬住張被,用嚟遮住赤裸嘅身體
「咁夜㗎啦!」我望到放喺床頭櫃上面嘅電子鐘,「要番屋企啦!」
喺我正想落床嗰陣嘅時候房門一嘢就打開咗
「喂!食得啦!」葉子朗企喺門口
「成9點幾啦!我要番屋企啦!」
「今晚喺度瞓咪得囉~」葉子朗行咗去衣櫃前面
佢打開衣櫃,搵咗我件衫同條褲出嚟,連底褲都有...
「嗱...」佢將D衫掉比我
咁即係我冇得話要走啦…
「咁...咁好囉…」我嘟嘟嘴
「番喺度幾好呀~」佢叉住腰咁企喺床邊
「食得飯啦?」我一邊着衫一邊問
「係呀!」佢行咗出房,我跟喺佢後面
我坐到餐枱前面,望住今晚食嘅嘢...驚訝!!!
「嘩...!」我不禁叫咗出嚟
蕃茄炒蛋,煎魚,瑞士雞翼,仲有個粟米湯
「你煮咁多?得我同你咋喎...」我訝異咁望住葉子朗
「唔...呢個當補償你啦...今日我咁粗暴...對唔住呀!」佢緊閉雙眼,雙手合十
「我唔客氣啦!」我拎起筷子就夾餸食
「喂...我誠心向你道歉,你就無視我...」佢一臉無奈咁望住我
「得啦~你講咗好多次對唔住啦…食飯啦~」我夾咗隻雞翼落佢個碗度
佢呆咗一呆咁望住我
「食啦!唔食就凍晒啦!」我微笑道
佢拎起筷子夾餸食
估唔到佢煮飯又幾好味喎!
今晚我喺佢屋企過咗一晚夜,第二日就直接番學校
差唔多行到番學校,我就見到洛天恩離遠跑過嚟捉住葉子朗隻手
「早晨~」洛天恩向葉子朗撒嬌
「早...」葉子朗淡淡咁講咗句
我行喺佢地後面,見到洛天恩咁樣,真係覺得佢勁虛偽
葉子朗微微回頭望我,然後又繼續走
我宜家覺得郁一郁都有D痛,琴晚瞓嘅時候又激烈咁做過嚟...搞到宜家要忍住痛...
我望一望手上面個紅印,就諗起琴晚...