[愛情甜故] 因為一次睇到佢打飛機,所以我地變咗做炮友: 28.二人(中)

「啪!!!」
葉子朗突然拍枱企起身
我地全班人都望住佢,我O咗咁望住佢
「佢咩事呀...」
「嚇死人咩...」
「突然企起身做咩呀...」
周圍D人都喺度竊竊私語,我呆咗望住佢,我個心仲呯撲呯撲咁跳緊...
嚇死我啦...
「你做咩呀?」miss望住佢
「冇嘢...拍蚊...」葉子朗坐番低


哪來嘅蚊...???
「琴晚就同我挽得咁high,今日就同第二條仔嘻嘻哈哈。」佢一坐低,就細聲咁講
「你又提琴晚...你今日都同洛天恩一齊啦...講我...」我唔忿氣咁反駁佢
「佢自己痴過嚟,關我咩事。」佢一臉不屑
「咁講你女朋友嘅...」我話
「我其實想同佢分手...」佢突然喺我本書度畫咗個公仔
「你同我講...我都冇辦法幫你。」我低頭繼續抄筆記
「扮我女朋友...」佢提議
痴咩線...
「No。」我一下就拒絕咗佢


「一次啦。」佢嘅語氣好似求緊我,但又唔係求我
「冇可能。」我堅決咁拒絕,「唔洗再講啦,冇可能㗎。」
一落咗堂,我就行咗出課室,一行出去就見到洛天恩迎面行過嚟
佢行到我面前,仲要啤咗我一眼...
我得罪咗佢D乜...佢都唔知我同葉子朗嘅事...
「喂!方芷諾!」洛天恩叫停咗我
我另轉面望佢
「點解成日我同子朗一齊番學都會見到你?你跟蹤佢呀?」洛天恩質問我
「吓?你都幾好笑㗎喎!」我冷笑咗一下,「大家都係住呢頭,番學都係同一條路,好難見唔到㗎喎!」
「你跟蹤佢呀?」洛天恩問


「嘩,咁都叫跟蹤嘅話,咁成條街D人都跟蹤佢啦!」我無奈咁講
見佢勁串咁嘅樣,真心想講句「個腦跌咗落街就去執番啦!」,講嘢都唔經大腦嘅...
「哼!」佢哼咗一聲就直行去我班房
我真係好想打佢...但我唔會...
真係想知如果佢知道咗佢條仔同我咩過會有咩反應
但當然啦,我唔會講...