一番到屋企門口,就收到葉子朗嘅whatsapp
死人葉子朗:番到未?
我:番到啦!
佢真係咁體貼咩…?
我行番入房,大字型咁灘落床
「攰死啦…」我攬住個枕頭
我啱啱先將手機放埋一邊,拎埋D衫就行咗去浴室沖番個涼
我開咗缸水,坐入水中
「呀~好暖呀~」我心中覺得一陣暖洋洋
「好舒服呀~」


每次一浸喺暖粒粒,有又D熱嘅水入而嗰陣,我真係覺得好舒服,疲勞盡消
我合埋眼,享受呢段獨自浸泡嘅時間
腦海入面突然閃過葉子朗個樣
「什麼啦...雖然成日一齊沖涼啫...都唔洗咁呀嘛...」我細細聲咁講
到底我以前點解會中意葉子朗?
我有冇同大家講過?好似冇...咁宜家係咁依講下啦!
我中意佢,已經係我同周樂恆分手之後嘅事,一段好短嘅時間
嗰陣我同葉子朗一D都唔熟,只可以稱得上做同班同學
葉子朗係老師眼中嘅壞學生,成績差,唔讀書,上堂瞓教,雖然好少唔番學,但...成績代表一切掛
同我好唔同,事先聲明,我冇讚自己


老師眼中嘅我係一等一嘅好學生,品學兼優,成績名列前茅,上堂瞓覺都冇人理
雖然佢成績唔好,但偏偏就喺籃球場上有發光發亮嘅一刻
因為佢曾經係籃球隊嘅...
我平時都中意去籃球場睇人打波,唔...習慣咗掛,以前周樂恆好中意我陪佢去籃球場,我喺側邊睇住佢打波
後來有次留意到葉子朗喺籃球場一個人打波,我企喺側邊睇咗一陣
佢身上嗰種魅力突然散發咗出嚟...
雖然佢顏值都幾高,但嗰種獨有嘅魅力真係好吸引
後來佢同咗洛天恩一齊,我就冇再中意佢啦…就係咁啦!
「葉子朗...今日...boyfriendable...」我諗嘅時候唔小心講埋出嚟
我即刻下意識用手擋喺嘴前


我嘅指尖掂到我嘅唇,我諗起嗰個Goodbye kiss...