[愛情甜故] 因為一次睇到佢打飛機,所以我地變咗做炮友: 57.番外篇:方芷諾--內心獨白

嘻嘻...又係我呀!
今集...咳咳...今次係我嘅內心獨白
呃...或者你會話我已經係主角,仲獨咩白呀?
拿拿拿...我都有D秘密放咗喺心底冇同大家開心share嘅~所以呢次就破例講比大家知啦~
(深呼吸...)
有人問過我,葉子朗咁對我,點解我仲要甘願做佢嘅炮友?甘願沉淪喺佢手中?
點解又要中意佢?為咗佢而放棄周樂恆值得咩?
喺呢度我只可以答你,喺愛情之中從來都係盲目,未到真實嗰一刻你都唔會知道心底愛嘅係邊個
或者你會同我講你未搵到一個咁嘅人
但去到嗰一刻你就會明白,有時先苦後甜都係一件好事嚟...


我曾經放棄咗對佢嘅感情,將一切冰封啦...
我亦曾經喺心底入面對自己吶喊「我地再也回不去了!」
感情有時係一個人嘅事嚟,和任何人亦冇關,愛同唔愛亦只可以自行了斷
但結果...我仍然敗喺佢嘅溫柔之中
自從嗰一次喺公園不自覺流下嘅眼淚,我就知道...
我對佢仍然有種無法割捨嘅感情
眼淚總係喺不知不覺中出賣我心入面諗嘅一切呢~
有時喺佢屋企過夜,每朝早都感覺到佢嘅體溫
我覺得真係...好實在...
朝早睜開眼嘅一刻見到攬住我瞓嘅佢,就有種「今日連陽光都好溫暖」嘅感覺


你睇到呢度,你或者會話邊有女仔咁唔自愛?
唔係我唔自愛...而係我唔捨得離開佢...
我唔敢比佢知我對佢嘅感情,亦唔敢承認佢對我嘅感情,因為我怕...
受咗一次情傷,又點樣再去相信愛情?
就好似喺心入面比人用刀划咗一道傷痕,或者只係好淺嘅傷,但都難以抹去,更何況係比人用力划咗一刀呢?
嗰一日睇咗佢寫比我嘅嗰封信,其實我心入面早就原諒咗佢
睇完嗰一刻,真係有個衝動想即刻攬住佢同佢講其實我都中意你...
但我抑壓咗呢份感情,將呢份感情帶走,帶到去英國...我以為我會放得低...
有一日我喺宿舍一個人溫書,我突然望到放喺枱頭嘅嗰個鐵盒,我打開嗰個盒,拎出嗰封信
睇睇下,突然有滴水滴咗喺信紙上面...


我用手指掃過臉頰,就搵到眼淚嘅痕跡...
我知道我心底入面,我其實冇放底過佢...一直都有佢...
愛情之中邊個可以順利一生?冇人可以做到...愛情中嘅海枯石爛,只有喺神話之中先會出現...
但放唔低,點解唔試下接受呢...