[愛情甜故] 因為一次睇到佢打飛機,所以我地變咗做炮友: 59.S202.回憶與現實

見到佢嘟起個嘴,我就覺得佢好可愛
我忍唔住拎起手機映佢相
「喂!你幾時咁學到咁壞㗎!」葉子朗即刻捉住我隻手
「嘻嘻...映一張咋嘛~」我嘟起嘴講
「想死呀你!」葉子朗問我
「你捨得咩?」我扮可愛咁側側頭問佢
佢冇講嘢,只係推開咗我,望向另一邊
嘻嘻...耳仔都紅晒啦~怕羞啦怕羞啦~
過咗一陣之後,我地就落咗車
「我幫你拎啦。」佢接過我嘅行李箱


好gentleman咁啵~
唔知點解,見到佢咁gentleman就諗番起有一次我同佢去食拉麵,點知我整親隻腳,佢即刻蹲喺我面前,咩咗我番屋企
一見到佢...以前我同佢之間嘅點點滴滴都番晒嚟...
喺行番屋企嘅路上,我望到地上面嘅影,我同佢嘅影貼得好埋好埋
心入面突然就有種感覺,希望呢段路唔好咁快行完
行咗一陣就行到番屋企樓下,好耐都冇番過嚟啦~
呢種感覺陌生又熟悉...
「多謝你今日陪我番嚟~」我對佢微微一笑,然後接過行李箱就轉身
「等等!」佢捉住我嘅手腕,然後用力一拉
「唔...!」


到底怎麼了...?呢個吻嘅感覺好熟悉...好似久違嘅吻嘅感覺...
深深嘅一吻中,係咪夾雜咗佢對我嘅思念?定係只係夾雜住一種無人知曉嘅感覺?
我輕輕咁推開咗佢...透唔到氣...
「你好過份呀!我同你...冇關係...」我用手背擋喺唇前
「好快就有~」葉子朗輕輕一手,然後轉身走,只係遞一遞手,「拜拜~」
怎麼了?一切嘅場景同感覺都勾起以前嘅回憶
嗰一日佢遞一遞手,講咗句「我會等你」
今日佢遞一遞手,講咗句「好快有關係」
到底做咩啦...?
每一個場景都同以前讀書時嘅我掛勾


由以前17歲嘅我,長大成宜家23歲嘅我
由以前17歲嘅佢,長大成宜家23歲嘅佢
到底係我一直活喺回憶中,定係我同佢其實「童心未泯」?
我都唔知道...

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link