[愛情甜故] 因為一次睇到佢打飛機,所以我地變咗做炮友: 61.S204.同學聚會(上)

第二日嘅夜晚0600,葉子朗喺我屋企樓下等我
「你嚟啦~」葉子朗跑到我面前
「等咗好耐啦?」我問,佢搖搖頭
「唔係呀…」佢搖搖頭
我同佢去到嗰間以前中學成日去嘅卡啦ok
入咗房之後大家都到齊啦
「衰妹,我好掛住你呀!」坐喺門邊嘅靜瑜彈咗起身,一下攬住我
「我知啦~」我攬住佢
「你去咗英國之後次次同學聚會都唔見你...真係個個都掛住你呀!」以前嘅男班長講
「咁我今次咪出現囉~我都掛住大家嘅~」我笑住咁講,然後坐到靜瑜隔離


「等等先...你兩個又會一齊嚟嘅?」靜瑜突然間爆咗句咁嘅嘢出嚟,大家都靜咗
開始喺度估估下
「唔通拍緊拖?」
「以前成日見你地一齊,原來早就有嘢~」
「葉子朗勁啦!我女神都比你溝到啦!」
「幾時開始㗎?」
「幾時結婚呀!請我地呀!」
等等...大家做咩愈講愈離譜...
「停!!!」我大聲叫,「比我講句嘢好唔好?」
成個k房即刻一粒聲都冇


「我同葉子朗冇嘢嘅!咁啱喺樓下撞到啫~冇嘢嘅!冇嘢嘅!」我解釋
「okok!」大家都奸笑咗一下
我...無言了...
「叫酒飲呀!」靜瑜提出
「一打啤酒啦!」另一個男仔講
「得得得!」靜瑜推開k房門,行咗出去搵waiter落單
葉子朗坐喺我隔離,隔開咗我同班男仔
嘻嘻...宜家k房入面嘅氣氛就好似番咗去以前咁樣...
喺課室入面大家都好嘈
小息,lunch嘅時候,大家喺課室唱歌,有人彈結他做伴奏


落大雨嗰陣,會有同學帶風筒番嚟,等大家可以吹乾校服
Lunch嘅時候夠膽死喺課室食盒裝部隊鍋
上堂嘅時候雖然好嘈好嘈,但係總算係開心嘅日子
有時大家互相鼓勵,串下對方,都係幾開心嘅事嚟
雖然DSE嘅日除一步一步逼近,但一D都唔覺得好辛苦
宜家就已經冇可能搵得番嗰種感覺啦...
「喂喂喂!啤酒到!啤酒到!」靜瑜拎住一桶啤酒入嚟
唔知做乜鬼嘢事,竟然有一個空樽喺度!!!
想伏邊個?飲空氣都會醉?
「搞錯呀...我出去換...」靜瑜想行出去嘅時候,班男仔叫住咗佢
「不如我地挽真心話呀~」
「好呀!但唔冒險得唔得呀!」一個女仔提出
「好啦好啦!就下你地班女人啦!」
佢地將個空樽放喺枱嘅中心
轉.......


「咦咦咦...」大家嘅視線沿住樽咀望向葉子朗
「咩啫?問啦!」葉子朗不屑咁望咗個樽一眼
「你宜家有冇中意嘅人呀!」男班長問
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link