[愛情甜故] 因為一次睇到佢打飛機,所以我地變咗做炮友: 73.S216.告白

我喺門縫望入去,見到佢灘咗喺床度㩒電話
「做咩呀~」我輕輕推開門入去
「冇嘢。」佢即刻轉身背對住我
「冇嘢?做咩發脾氣啦?」我坐到床邊
「冇發脾氣呀!」佢瞪咗我一眼
「到底做咩啫~」我伏喺佢身上
「都話冇嘢...」佢冇望我,佢嘅目光停留喺手機螢幕上
「咁好啦...我走啦,我番屋企啦...」我扁扁嘴
「吓!你咁快走!?」佢即刻坐起身
「你捨得望我嚟咩?你終於肯望我啦咩?死人葉子朗...」我用拳頭 喺佢手臂度搥咗下


「哼...走啦你!」佢推咗我一下
「呿...走咪走!」我即刻企起身行向門口
「喂!」佢伸手捉住我嘅手腕,「我...我講下咋...唔好走...」
「你叫我走就走,嚟就嚟,你當我係咩呀!」我微微鼓起兩泡腮
「咁我掛住你,成日想見你嘛...」佢拉番我到床邊,伸手捉埋我另一隻手嘅手腕,「望下我啦~」
「你都冇答都我個問題嘅...」我甩開佢隻手
「咁...你都唔肯應承我做我女朋友...」佢捉番住我隻手,「你都中意我㗎...」
「你一D誠意都冇,仲叫我應承你...」我嘟起嘴
「咁我要點樣先叫有誠意呀?」佢攬住我
「你連諗下都唔諗!」我用力打佢手臂


「痛呀!」佢捉住我隻手
「一D誠意都冇!」我撇開臉,唔望佢
「咁我咁樣叫唔叫有誠意呀?」佢坐咗起身,然後從佢個枕頭底度拎咗隻手鐲出嚟
「嘩!好靚呀!」我拎住手鐲開心咁講
隻手鐲銀光閃閃,手鐲嘅中間有4個羅馬數字
III(3)，VI(6)，IX(9)，XII(12)
每個數字之間都有一顆閃閃嘅小石隔住
手鐲係雙行設計,喺III同VI之間嘅小石,IX同XII之間嘅小石下方,有一條小銀鏈吊住一個心形嘅吊飾
「中唔中意呀?」佢攬住我問
「中意!」我即刻答佢,「咁嗰4個數字有咩意思?」


「我地喺3月識,我6月寫信告白,9月發生嗰件事...」佢話
「咁12呢?」我側側頭
「以後嘅12個月...都想一直同你一齊...」佢露出笑容,「咁...呢個心願可唔可以實現...就睇你啦...」
我冇出聲,只係甜膩膩咁笑,我想佢開口
「做我女朋友好唔好?以前嘅事就抹咗佢啦,重新開始。」佢認真咁望住我
「好啦~見你咁有誠意,就接受你啦~」我甜甜地笑起嚟,然後喺佢臉頰上錫咗一啖
佢一臉愕然咁望住我
「做咩呀?仲想錫多啖呀?諗下好啦!」我笑咗一笑
佢冇出聲,只係耷低頭,攬住我
我見到佢耳仔都紅晒啦,害羞了呢~
「嘻嘻...點呀?咁耐啦,你都會怕醜呀?」我轉身向住佢
佢搖搖頭
「唔怕醜,咁可以去食早餐未呀?」我問佢,佢點點頭
嘻嘻...原來咁樣佢就會怕醜嘅~



回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link