[愛情甜故] 因為一次睇到佢打飛機,所以我地變咗做炮友: 139.S324.窒息

呢封信…
「中學嗰陣，我放棄咗你一次；大學畢業，你番嚟之後，我又放棄多你一次；你同周樂恆嘅嗰件事，我再放棄多你一次，前後總共三次。我的確係一個唔值得令你再次回頭嘅人。
但係呢次，係我最後一次放棄你，由我寫呢封信開始，就決定咗，我，葉子朗，要同你，方芷諾，做一個了結。
每次放棄咗你，我都會追番你，因為我心入面對你嘅愛，從來不比其他人少，至少我係咁認為。但同時我承認，係我冇用，冇資格再得到你嘅愛，一個放棄咗你三次嘅人，冇資格擁有你嘅愛，亦冇資格想要你嘅愛。
由你今日約我開始，我諗咗好耐，有諗過係咪仲要等落去，但係最後，我係同自己講我冇資格擁有你嘅愛。
但我只可以話比你知，我對你嘅愛，從來都唔會比其他人少，不過點都好，一切都到咗了結嘅時候。
由我比呢本嘢你嘅一刻開始，就係我同你嘅結束，或者係天意，祝你幸福。
葉子朗」
「滴答…滴答…」紙上面突然間多咗兩個水漬，我下意識伸手抹自己臉頰
點解…？點解我會喊…？點解眼淚咁自然就流落嚟…？


方芷諾，到底你發生咗啲咩事呀？你到底做咩事呀？
眼淚點解會突然喺眼眶打轉？點解呀…？
雙腿突然有股無力感湧上，我坐低咗喺地下
喊嘅原因係咩…我唔知道…呢封信完全冇感動位，亦冇特別Hurt人嘅說話
但係我嘅眼淚就喺我不經意間滑過咗我嘅臉頰滴喺信紙上面…
一字一句，都代表住葉子朗嘅決心…但每當我睇一句，我個心就用力咁、狠狠咁揪一下
好難受…
我曾經好似都對佢講過呢啲說話，當時佢係咪都係一樣咁難受，難受得窒息嘅感覺？
嗰陣佢一心一意等我，但我…佢個心應該難受100倍係咪…？
唔知佢宜家做緊咩呢…唔知佢宜家點呢…


我默默咁將封信對摺番，然後放番入信封，再將佢放番入去
我行到去床邊坐低，然後向後灘
「葉子朗…到底你想我點樣呀…」
我嘅雙眼慢慢合埋…
到底想我點…
或者我…唔應該諗太多…
既然下定決心要結束…咁就要結束
…
「呀！遲到啦遲到啦！」我拎起手袋，好快咁著咗對高踭鞋，然後衝出門口
今日又會唔知醒起身，仲要Miss咗個鬧鐘都有嘅！？


我跑到落樓下，周樂恆架車唔喺度嘅？即係我今日要自己搭車啦！
係喎！周樂恆琴日晏就先同我提過，佢琴晚要飛去英國傾生意
我跑去地鐵站，著住高踭鞋跑真係攞命！隻腳痛死啦！
我上咗車之後企喺玻璃前面，背靠住玻璃企，車上都好多人，好逼呀…陣間去到轉車站肯定仲多人上車
香港地，地少人多，番工時間人又多，喺車度又逼，大家就好似沙甸魚咁逼埋一齊
「嘟嘟嘟嘟嘟嘟…！」
喺車門開始閂埋嗰陣，仲有人衝入車廂，有兩個男嘅衝咗入嚟，企咗喺我前面
喺佢地衝咗入嚟之後，車門完全閂上，嗰個人耷低頭後退咗一步，唔小心絆到我隻腳
「唔好意思…」佢抬頭望向我同我道歉
「唔緊要…」我同佢同時抬起頭
然後我同佢嘅反應一樣，呆咗…兩個人喺車上凝視，愕然咁望住對方
「葉子朗…」我細細聲咁叫出佢個名
佢愕然咗一下，然後又變番目無表情，跟住微微耷低頭
佢伸手捉住車門隔離嘅扶手，佢躲着我嘅目光，我亦默默低下頭，腦海中全都係佢日記嘅內容…



IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link