「哎呀~做咩又喊啦?」我坐喺房都聽到隔離BB房傳嚟嘅喊聲
我急忙行過去BB房,行到BB床邊,彎腰將佢小心翼翼咁抱喺懷中,然後輕輕拍着佢嘅大腿外側
「明明飲咗奶啦,又換咗片,點解仲會喊㗎?」我一臉苦惱咗忙住喺我懷中仍然喊緊嘅BB
囡囡已經四個月大啦,我地冇話特別搬去邊度,都係住番喺葉子朗一直住緊嗰度
呢間屋有我同葉子朗嘅回憶,滿滿嘅回憶,每一個角落都有
葉子朗嘅睡房隔離其實仲有一間房,嗰間房喺我地個囡彤彤出世之後就裝修成為囡囡嘅房
我抱住囡囡行出廳,正想坐低喺梳化嘅時候就聽到開門聲
「你番嚟啦?」我望咗喺門口入嚟嘅葉子朗一眼,然後又繼續氹彤彤,佢已經喊咗好耐啦
「彤彤喊到我喺門口都聽到啦。」葉子朗除咗鞋之後,第一時間就係行嚟我隔離睇下佢嘅寶貝囡
彤彤一見到葉子朗就即刻唔喊,仲嘻嘻笑添


「彤彤你偏心呀!一見到爸爸番嚟就唔喊啦…」我無奈咁講道
「爸爸沖個涼就再出嚟抱你~」葉子朗溫柔地笑,一個慈父嘅樣,指尖喺彤彤嘅鼻尖上點咗一下,然後即刻拎晒嘢去沖涼
宜家葉子朗一放工番嚟,第一時間就係沖涼換衫,然後抱彤彤,同佢挽一陣
個個都話囡囡係爸爸嘅前世情人,我宜家真係直接去飲醋啦…
都唔知有冇十分鐘,葉子朗就喺廁所出嚟,我幫佢將衫褲掛起
著住居家服嘅佢已經急不及待咁行入BB房去見佢嘅「小情人」,我當然會呷醋,於是行入BB房企喺佢隔離
「哎喲~」葉子朗抱起彤彤,佢抱BB嘅手法同手勢都要比我更熟練,「囡囡,爸爸今日好掛住你啦~」
「嘻嘻!」彤彤就好似聽得明葉子朗講咩咁,即刻就笑起嚟
葉子朗見到彤彤笑,佢就跟住笑
我拎手機拍低咗,仲要拍咗片


葉子朗陪彤彤挽咗陣之後,彤彤打咗個大喊露,葉子朗將佢輕輕放番落BB床,幫佢蓋一蓋被
「哼!你終於捨得出嚟啦咩?」我鼓起兩泡腮望住喺BB房行出嚟嘅葉子朗
「老婆呷醋啦?」葉子朗行過嚟梳化坐低,伸手攬住我
「哼…」我輕聲哼咗一聲,「錫晒阿囡得啦,唔洗錫我啦…」
「錫你亦都錫阿囡,錫你係因為你係我最愛嘅方芷諾,錫阿囡係因為佢係你同我嘅愛情結晶品,係你為我生嘅小朋友。」葉子朗喺我嘅額頭上錫咗一啖
「當然!」我甜甜地笑起嚟,「呢間屋有我地好多回憶…」
「嗰段想補償比你嘅時間,我用一世嚟補番比你。」葉子朗一手攬住我嘅腰,一手摸着套喺我無名指上嘅戒指
「邊段時間呀?」我特登問佢
「我一腳踏兩船嗰段時間…」葉子朗細聲咁講,仲要一臉抱歉,但葉子朗好快就坐好起嚟,緊緊咁攬住我,「但我愛嘅係你呀!你知㗎!」
「唔知喎~」我故意搖搖頭


「喂呀~你明明就知道~」葉子朗鼓起兩泡腮,撒嬌道
「老公你點解會咁可愛㗎?」我忍唔住攬實葉子朗
葉子朗頓時坐好起嚟,一臉不悅咁望住我
「方芷諾,你係咪太耐冇見過你家老公嘅雄風呀?」葉子朗捉住我雙手手腕,佢嘅眼神都極為危險
我即刻抿着唇,閉上嘴唔出聲,葉子朗勾唇一笑
「好驚咩,做咩唔出聲呀?」葉子朗問道,「我地好耐都冇咩啦~」
「咁有咗嘛,而且又啱啱生完BB嘛~」我掙脫嘅葉子朗嘅手,然後雙手攬住佢頸,輕輕咬唇,「不過又真係好耐都冇咩嘅…」
「咁我地係咪應該…」葉子朗故意講一半唔講一半,但佢隻手已經慢慢咁伸咗入我件衫入面
「你估下!」我頓時就鬆開手想跑入房
「喂!你奸矛呀!」葉子朗都蠢唔晒,即刻企起身捉實我,「我點會要我老婆大人自己行入房㗎?」
葉子朗一下就抱起咗我,然後就抱咗我入房,將我掉到床上
冇錯,就係要滾個床單

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link