士多啤梨雪糕的約定: 世界暗淡無光（一 ）

第一集—

時光飛逝，歲月不留人，咁又完咗三年以來嘅足球隊生涯啦。

先做個自我介紹，我叫柏翔，依家讀緊中三，平時鍾意踢波打波游水彈琴，A3，我自問係一個長情嘅人，但矛盾地我又會好容易移情別戀，其實所有野都只係因為一件事，除咗天生player格之後，有好多後天成為player嘅人都係因為佢哋受過情傷，而我亦都係茫茫人海入面嘅其中一個，我拍咗三次拖，三個都係其他學校公認嘅女神，但三次都係俾人笠綠帽收場，住住我都喺度諗，點解要揀中我呀？呢個世界咁多人，點解係都要我失戀？我有啲乜嘢做得唔夠好？我曾經110%愛你，但點解付出嘅同收返來的幸福係唔成正比架？點解？

第一次我諗只係我唔好彩，我做嘅嘢唔夠人多，條件唔夠人好。咁第二次嘅出現係咩原因？我諗極都諗唔到，我有諗過自殺，如果唔係有幾個好兄弟俾我呻，同我啤，我諗我而家根本唔係活係呢個世上。

第一個，我用咗半年時間去追佢，拍左三個月。



第二個，我用咗三個月時間，都拍左三個月

第三個，一個月時間輕鬆搞掂，亦都可以拍到兩個月。

但你估而家係咩呀？試用期咁話呀？
如果你係我你會點？
我由一開始傷心，痛心，變到而家狠心。
我唔係未試過，我試過安分守己，但付出最多個個，永遠都只會係受傷個個，咁安分守己唔搞三搞四有咩用？佢可以咁做點解你唔得？佢搞三搞四就冇問題，我四圍搵女我就係狗公，呢個世界公平咩？
問世間情是何物，直教生死相許。
我由個日開始，無再相信愛情。


盲目嘅愛情—
「原來戀愛可以當做吸過半支煙」
究竟我去到乜嘢地步先可以做到咁呢？

待續—