士多啤梨雪糕的約定: 足球生涯 （三）

「嗶」哨聲一響 球場上呢二十二隻螞蟻都開始蠢蠢欲動
對面Y校係中圈開波 贏緊一球 猜波猜到落去自己龍門
我屌 你估你係巴塞咩 而家玩咩呀tiki-taka呀？
過咗五分鐘我先知原來自己on9左
對面真係好猜得 好有默契 有幾次機會都可惜斜出
睇嚟下半場開波大家都仲未入局 根本上連一個進攻未有

7分鐘 對面嘅左翼由自己半埸爆過咗宏希（攻中）
推到落去我哋嘅三閘線
我地中堅Tommy即刻補位衝到峨眉月頂務求將個波剷走


但睇嚟我哋都睇小咗對面嘅左翼 佢係tommy剷到個波嘅0.1秒前已經用一下簡單嘅的波將個波帶到自己前面嘅無人地帶
已經無人補得切位 佢嘅眼前剩係得返龍門—Jacky
但原來佢都係7頭 佢的完波之後Hard touch 但係大力到阿媽都唔認得 你估你係巴爾 自己傳俾3秒後嘅自己呀？
Jacky一個簡單既出迎就將皮球沒收左 之後戰況一直僵持

14分鐘
我哋嘅進攻開始猛烈
我地把握到佢地嘅傳球失誤 用最快既速度搶番個波
呢啲就係我哋最原始嘅戰術—穩守突擊
Emson攞到個波 精準地用大腳傳咗比右翼嘅Jimmy


Jimmy用雙腳腳內側連續過咗兩個 然後用自己嘅速度爆到落去底線 一個傳中精準地傳咗落去我度 我心口一控
見到已經有人衝到埋嚟我度想搶波 我將個波攞返落地下
係佢沖埋黎就嚟平衡唔到嘅時候我用一下elastico完美咁避開左佢 拉開左空間 但係隻腳同波都係俾佢揩到少少
係我就跌低之際 望到前面得返龍門 我直接拉弓 用盡餘下嘅力將個波射出去 我已經盡我所能攞遠柱㗎啦 但係球速唔快 對面嘅龍門都唔係普通嘅學界龍 佢用咗自己最快速度飛咗落去 緊緊用手指尾hi到個波 完美封出

17分鐘
我哋喺峨眉月頂輸咗個罰球
我係前場望住對面嘅左腳仔 助跑 拉弓 大力抽射
個波彎過咗我哋四個人牆 直飛死角 Jacky望塵莫及
冇仇報.可唔可以重新嚟過？



我唔甘心
仲有8分鐘時間 我哋仲有冇可能？

待續—