[真人真事][校園][純愛]《總有一天，會再次遇見》: 第七章

當我上完去,
交左俾miss之後,
咁就梗係落返地下出去校門啦
貪學校有寶咩
落到去就見到晞澄
可能啱啱佢幫完我做左嗰份咁嘅閱讀報告,
大家好似熟落左,
我亦都冇之前對佢咁反感
咁就撩佢傾計,
我:「你戇居居企度做乜野 」




晞澄:「廢話,
咪等人囉 」
我:「咁唔阻你,
拜拜 」
晞澄:「咪住先 」
我:「又做乜 」
晞澄:「我都未講完,
一路行一路講啦 」
我:「下 」
跟住佢就同左我一齊出去學校外面,




晞澄:「我咪等緊你條友囉 」
我:「無啦啦做乜等我 」
晞澄:「請你食野呀 」
我:「咁好死做乜 」
晞澄:「我咪講左唔鍾意欠人野
又要講多次 」
我:「哦原來係咁,
咁我又唔拘 」
晞澄:「行啦 」
之後佢帶返我去嗰間麵包鋪,




晞澄:「姨姨兩個菠蘿油丫唔該 」
老闆娘:「我都估到你今日會嚟,
同男朋友仔嚟呀 」
晞澄:「佢就想 」
我:「如果我話係,
係咪可以有平
咁又冇問題呀
當係啃豬頭骨 」
老闆娘:「澄澄咁靚女又點會係豬頭骨呢 」
晞澄:「你條友把口真係好賤
好在我脾氣好
同埋平唔平都唔關你事,
咪話左我出錢 」
我:「我俾返得啦
都唔知你係咪有蠱惑




都係信你唔過 」
晞澄:「話左請你就請啦,
成個女人咁 」
跟住晞澄即刻拎左兩個包嘅錢出嚟
我:「咁多謝先啦 」
晞澄:「嗯,
忽然之間咁客氣唔知會點哈哈 」
我:「頂你
唔客氣又話我賤,
客氣又話唔知點 」
晞澄:「係架.」

之後我地就行左出去,
我:「依家去邊 」
晞澄:「我要去商場嗰度補習 」




我:「我知你點解請我喇
原來你係想我做你保鏢 」
晞澄:「你嘅幻想力好豐富
真心嘅 」
我:「唔講邊有得笑 」
晞澄:「就算搵都唔搵你啦,
你條友死淨把口,
一睇就知唔打得 」
我:「你以為啫 」
晞澄:「你走喇 」
我:「唔係呀,
我要去商場買啲野
一齊啦 」
晞澄:「會唔會係咁啱 」
我:「信不信由你




你咪當我想陪你行多陣,
滿足你嘅虛榮心 」
晞澄:「同你一齊行我唔覺得值得炫耀
不過冇所謂哈哈 」
我:「點知你,
你知你幾多裙下之臣 」
晞澄:「講明先唔關我事
同埋其實我都唔多 」
我:「唔係掛,
你身邊好多狗公喎
當然啦,
你依家隔離嗰個就唔係 」
晞澄:「我呢啲邊度多,
呀邊個邊個先多,
同埋係咪你諗多左




嗰班男仔同我玩咋嘛 」
我:「你真係太天真 」
晞澄:「乜係咩 」
我:「話時話個菠蘿包又幾好食 」
晞澄:「唔啱
係菠蘿油 」
我:「咪一樣
差唔多啫 」
晞澄:「你就差唔多
菠蘿油好食咁多,
最鍾意就係食入面啲牛油,
層次感菠蘿包完全冇得比 」
我:「乜係咩 」
晞澄:「你食多啲就會知架喇,
菠蘿油真係冇得輸 」
我:「咁你請我
我食乜都冇問題啦
點會要求咁多.」
晞澄:「算你識做
你話唔好食以後唔請你嘻嘻 」
講完之後,
我望住佢喺度笑,
今次應該係我第一次,
咁近望住佢笑
之前聽過人講佢笑得好靚,
原本我都唔信
但原來有啲野自己睇完之後,
評價真係會唔同
我依家同意喇,
原來真係笑得好迷人
後來嘅我先發現,
原來我自己係好鍾意嗰啲笑得好靚嘅女仔,
即係俗稱嘅會加分,
但係無論我點樣搵,
我都搵唔返一個人,
係可以同當初令我有呢個諗法嘅嗰個女仔並駕齊驅,
唔係講笑,
真係一個都搵唔到.