[真人真事][校園][純愛]《總有一天，會再次遇見》: 第六十章

聖誕之後就係除夕

亦即係好快踏入2008年

意味住好快就結束聖誕假要返學

冇得再喺屋企hea

講起又講,





跟住落嚟有特別野搞

我地學校今年會舉行歌唱比賽

好似話轉咗新學生會今年會復辦

再加上要遷就中七同學

所以就提早喺一月舉行,





等全部同學都可以玩

我會唔會玩

咪搞啦

雖然我唱歌未去到五音不全,

不過呢個世界咁多高手,





再加上我一上到台就腳震

與其獻醜不如藏拙啦

但係既然我講得呢件事出嚟,

咁你應該知邊個有玩啦

話說有一日上堂傾計嗰陣傾開呢個話題

晞澄:「你玩唔玩呀 」

我:「頂你無啦啦玩咩 」

晞澄:「sing con呀 」





我:「唔啦

唱歌又唔係好聽

我就有自知之明嘅 」

晞澄:「唔係呀嗰次我見你哼歌都哼得幾好 」

我:「你嗰個係咩腦嚟

咁q耐都記得 」

晞澄:「係咪好叻先 」





我:「梗係啦 」

晞澄:「擦鞋

我仲以為你玩添 」

我:「傻啦

你玩咩 」

晞澄:「玩呀 」

我:「唔係呀話

你唱歌得唔得架





唔好上到去虐待觀眾喎 」

晞澄:「會唔會太嚴重呀 」

我:「我點知都未聽過你唱歌

不過點解無啦啦玩嘅 」

晞澄:「呀穎話不如一齊玩

咁咪試下囉,

你知中學生係咁架啦





有人話玩就一齊 」

我:「咁呀

加油囉 」

晞澄:「搞錯呀你冇啲誠意嘅 」

我:「咁你想點 」

晞澄:「要嚟現場支持呀 」

我:「咁應該冇問題

你地放咗學搞下話 」

晞澄:「初賽係

決賽就再下個禮拜六 」

我:「講到自己入梗決賽咁樣 」

晞澄:「講定俾你聽啫

初賽要嚟呀 」

我:「得啦

都應該冇野做 」

晞澄:「講咗就要算數

勾手指尾 」

我:「低能 」

當然我都係好唔爭氣咁樣同佢勾咗.

跟住嗰個禮拜五

晞澄話聽日禮拜六好唔好去唱k練歌

我:「頂你真係咁認真 」

晞澄:「其實都係俾自己一個藉口去唱k啫哈哈 」

我:「你會唔會嫌我難聽先 」

晞澄:「痴線我邊度係啲咁嘅人 」

我:「ok嘅

有冇其他人去呀 」

晞澄:「呀穎囉 」

我:「我地三個呀 」

晞澄:「嗯 」

我:「冇問題你話事囉

不過講明先我唔卜位 」

晞澄:「知你係懶鬼

放心啦你只要出席就可以 」

我:「最好請埋我啦哈哈 」

晞澄:「搵人抬埋橋過嚟接你好唔好 」

我:「咁又唔使 」

晞澄:「一陣返到屋企再搵你講聽日幾點啦 」

我:「哦.」

夜晚佢終於同我講聽日幾點,

晞澄:「十二點三喺樓下巴士站等 」

我:「咁早 」

晞澄:「佢話一點唱到去六點喎 」

我:「頂你真係唔使本咁樣 」

晞澄:「難得有時間喎,

你使唔使叫埋呀邦 」

我:「唔使啦佢條友唔鍾意唱歌 」

呢個係真話

唔係話我特登約囡囡唔叫佢

況且其實晏晝已經問咗佢,

嗰陣佢都話唔去

晞澄:「係喎

呀穎話佢聽晚屋企要食飯

大約四點鐘就要走.」

我:「佢食咩飯要早兩個鐘走 」

晞澄:「去港島嗰邊呀 」

我:「咁我地咪要兩條友唱兩個鐘 」

晞澄:「你唔想可以早啲走嘅 」

我:「我冇所謂呀你話事啦 」

晞澄:「咁唱到尾囉哈哈 」

我:「好.」

其實我梗係知佢想唱到尾啦

所以先至特登咁講

講起上嚟我真係未試過同女仔唱k,

你知啦我咁毒

再加上嗰陣應該未出唱k潮文

唔知聽日會點呢