離郵輪失事已經過左一日一夜,由於太過肚餓,我就起身到處尋食。哇,俾我見到有椰子樹,發達啦~我即刻狗衝過去爬上椰子樹,飲完椰汁食埋果肉,終於解決肚餓危機,我摘多兩個當晚餐享用。

咦,個邊有個人訓左係度,我即刻跑翻去沙灘。條女好面熟喔,哦,係我既女神林雪兒。林雪兒係我學校既校花,168身高,擁有驕人既長腿,胸部應該係Ccup,皮膚白白淨淨。由於係中上富裕家庭,亦可能係我自卑,六年中學真係無同林雪兒講過一句說話,而且雪兒從來都無望過我一眼,我係佢世界度可以講無存在過。

我見女神一直無反應,唔通我女神死左,唔得,我要救女神。我即刻按住女神心口黎個心肺復甦,哇,原來女性既胸部係咁正咖,小東東即刻有反應,想突破條褲。按左咁耐,女神都係一D反應都無,咁我唯有用人工呼吸啦,女神,我黎啦。

正當我要錫落去,啪一聲,哎呀,邊個打左我一巴。林雪兒醒左:死大陸仔,竟然係度非禮我,依家仲想嘴過黎,我要打死你。我即刻彈起身,避曬女神一輪既攻擊,X,好人真係無好報咖。

林雪兒:依度邊度黎?郵輪呢?其他同學呢?老師呢?



我:唔知啊,當我醒左就已經係依個沙灘上,我都想知依度係邊度。不如我地行入D入去睇下見唔見其他人?

林雪兒:你個鹹濕仔仲想鹹濕我,你X想啊,我先唔跟你入樹林啊。

好,既然你咁樣睇我啊嘛,我自己一個入去,你自己係沙灘啦898。我慢慢行去樹林方向,林雪兒就即刻嗌:你咁撲街㗎,賴低我一個女仔係度,一D男士風度都無。聽完佢咁講我,唉,當我衰心軟,轉身行翻女神身邊,女神見到我行過黎,即刻笑左一下。哇,女神既笑容甜到呢,個腦即刻出現同女神沙灘追跑,擁抱,親吻既畫面

:你個死鹹濕大陸仔,唔好係度幻想啦,我好肚餓啊,你有無嘢食啊。俾女神講一講我翻到黎現實,於是我俾左兩個椰子俾女神食。女神食飽完之後,為左睇下仲有無其他人,同埋要解決夜晚個餐,我地就咁膽粗粗前往樹林。

:發達啦發達啦,係香蕉樹啊,好多香蕉啊,但全部都係綠色唔熟喔,食唔到⋯女神唉嘆一聲,神情非常失望。



我:摘攞黎啦,只要燒熟D香蕉就食得既啦。我一講完,女神就好興奮咁瘋狂摘香蕉,哇,前世係孫悟空黎?同香蕉有仇?

同女神行左一陣,都係發現唔到有其他人,而且依個島太大啦,我驚有其他野獸出現,於是提議翻去沙灘先,於是我同女神翻到黎沙灘,迎接我地第一個夜晚,正啊喂。
已有 0 人追稿