我走幾棵樹旁邊,砍曬D樹藤落黎,話時話,點解D樹年紀好似唔好大咁,附近仲有唔少爛左既樹,究竟係咩原因。我再到旁邊砍幾棵竹落黎,有依D樹藤同竹,咁就可以整個籠黎捕捉D蟹同龍蝦。

好彩D樹藤夠幼,唔洗我搓,慳翻唔少功夫。我將D竹劈開一條條,一開四,韌度唔錯,我攞最長既樹藤綁係竹條底部,然後用兩個短既樹藤綁竹條中間,底部再綁左個九宮格,頂部得一個大窿,方便蟹同龍蝦爬入去,從底部同四邊雖然有空位,但大少少既蟹係絕對走唔到既。

用乜嘢做餌好呢?呱~呱~呱~隻青蛙係我旁邊跳過,係你啦,我攞起舊手掌大石頭一嘢飛過去,啪一聲,隻青蛙俾我整死左。我將隻青蛙放入竹籠裡面,然後將個竹籠放入河到。好啦,夜D睇下有無收穫先。

我再行入D樹林度,奇怪,點解依頭無咩小動物係度,得小河附近有動物係度。我望一望個天,哇,X啊,我見遠處有一大舊烏雲,大X鑊,我即刻跑翻去沙灘個邊。女神同秋儀見我急急腳跑過黎,以為我遇到咩野獸。我:快D收拾好D嘢,依度就黎要落大雨啊。兩女一聽到,即刻執好曬D食物,同我一齊跑入樹林度。

我地跑左一陣,係依度啦,我見依邊有個位置地勢俾其他地方高D,而且後面捱近一舊大石,石頭兩邊都有樹木。我擺低個旅行袋,然後跑去劈幾棵竹翻黎:雪兒,秋儀,你兩個幫下我,我要係度整翻個竹棚黎避雨。我爬上樹抬起一邊竹,然後再爬另外一邊既樹抬起竹既另外一邊,我扶雪兒上樹幫我用樹藤綁實棵竹,我正想過去扶秋儀,發現秋儀依個蘿莉竟然自己識爬樹。就咁連續擺幾次竹,成個竹棚骨架完成左。



我再去到附近劈D樹枝落黎擺竹棚頂部,擺滿曬樹枝,ok啦,我地既竹棚終於完成啦。秋儀好開心咁攬住我講:你好叻啊~我地竟然兩個鐘就搞掂左個竹棚啊~
我俾秋儀咁突然攬住搞到有D唔好意思,我望一望女神,女神鄙視咁望我一陣就望轉頭,唉。

我行去河邊想睇下有無收穫,走入河度個陣後面又人嗌:喂,我到依家都未知你叫乜名喔(我都話自己存在感低既啦)。我轉頭一望原來係秋儀,我話:我叫王學東,學業既學,東西個東。秋儀:咁我以後叫你學東哥啦。(你鐘意啦~)

秋儀走埋黎河度,我:小心D啊,個河對你黎講都算深咖。秋儀:我會小心D既啦。話口未完,秋儀一嘢想撲落水(我X,都話左小心D囉)我即刻走過去攬住秋儀條腰,哇X,人魚線露曬出黎,小東東扯到實一實,我望住秋儀,秋儀又望住我(尷尬到呢)秋儀紅都面曬,我慢慢低頭,秋儀以為我要錫佢,合埋雙眼等我。我托翻秋儀企直,秋儀見我無錫,好尷尬咁兩手係度掃風吹自己塊面(你面紅啵啵真係好得意)

我望一望河裡面個竹籠,掂啊,裡面有四隻大蟹係裡面,由於得個大窿係個頂部,所以D蟹一入去就注定行唔翻出黎。秋儀見我攞住個裝住大蟹既籠,開心到跑翻竹棚個邊,我都跟埋翻去。女神見到我同秋儀翻黎(哇,我得罪女神D咩啊?你塊面黑X到咁既)秋儀講我係河度點樣抓蟹,女神對住秋儀微微一笑,然後望住我又係黑口黑面,我心都寒埋,完全唔知自己做錯咩。

於是我係竹棚左邊起左個火堆,然後我就擺D蟹入火堆度燒。我劈開用剩既竹做壺,走去河邊度裝河水,好彩D河水夠清,可以飲得。然後翻到黎見D蟹燒熟左,女神同秋儀兩個流曬口水咁望住D蟹。我等D蟹攤凍一陣,然後拆分開D蟹,我地每人食一隻,再食埋之前食淨既幾隻海膽,雪兒:好好味啊,好食過我以前食既避風塘炒蟹、咖喱蟹。秋儀:係啊,真係好好味啊,學東哥燒既蟹真係好好味(咁肯定啦,你地平時食既蟹落重料同味精,依家食原汁原味喔)



我食完隻蟹,我攞住第四隻蟹出黎拆,女神同秋儀兩個眼甘甘望住我,兩個不停吞口水。我一刀將蟹劈開兩邊,然後分俾兩女,女神雪兒:唔啦,你食啦,你係男仔體力大,食物需求都大。秋儀:係囉係囉,學東哥你自己食啦。我無理佢兩個講嘢,一嘢隊去兩女個嘴邊:食啦,我食少少無乜所謂,我唔會俾你兩個捱餓。

女神同秋儀雙眼透露出感激,然後搏命咁食半隻蟹,我望住佢兩個食,笑左一笑,女神雪兒:鹹濕仔做咩笑得咁淫。雖然女神咁話一話我,但女神已經無左之前黑口黑面,反而依家塊面紅啵啵。秋儀就一邊食一邊望住我笑(哈,秋儀真係得意)

啵嚨~天空突然一聲巨響,兩女嚇到彈左一下,我即刻走出竹棚望個天空,撲街,黑X曬,睇黎依場雨都幾猛下。我走翻入竹棚叫大家坐定唔好行開等大雨落完。
已有 0 人追稿