我劈左一舊竹走翻去竹棚,秋儀見我係度磨個竹條,好奇咁問:學東哥,你係度做咩啊?

我:我想整個弓出黎打獵,今日見到隻野雞係我面前,但我抓唔到佢。

秋儀握起拳頭講:學東哥你加油啦,我同雪兒由今日開始,都會俾心機搵食物,唔可以次次都靠曬你。

我摸摸秋儀個頭無講嘢,秋儀好細路咁俾我摸下個頭就要我攬下~

我走去旅行袋度,攞出一個bra出黎,我拆開個bra帶,扯兩扯,就用依條帶綁係竹度啦。登登登登,我高舉用bra帶做既弓,秋儀拍曬手,而雪兒無表情咁望住我手上既弓。之後秋儀話想去香蕉林摘香蕉,所以就走去香蕉林方向。



我即刻嘗試用個弓射出面棵樹,連射十發,一Q都唔中,我奔潰了:啊⋯,究竟咩事,點解可以一箭都唔中棵樹⋯點解⋯

雪兒按住肚係度大笑。我唸唔到點解會咁,於是起身走左出去散下步,雪兒以為我嬲,所以跟左係我後面。我一路行一路望住手上既弓,究竟邊度錯左呢。

雪兒抓住我隻手講:唔好嬲啦,我唔係特登笑你咖。

我:下?咩事?我無嬲你啊,我唸咁點解把弓咁近距離都射唔中。

突然係前面竹林聽到有叫聲:嗷嗚⋯嗷嗚⋯⋯



雪兒緊張到好大力抓實我隻手,我:唔洗驚,有我係度。我即刻攞出把開山刀,小心翼翼咁行過去。

:嗷嗚⋯⋯嗷嗚⋯

好淒厲既叫聲,當我地行到,見到有隻白色既動物趴係地下,我望清楚D,狼呢既喔。雪兒見到隻狼講:佢咁細粒既,有無一歲啊。

我:我唸佢應該都有一歲左右,雖然唔係好大隻,但佢可以嗌到嗷嗚,就知佢唔係BB黎。

雪兒:點解得佢一個係度既?



我:你睇佢成身銀白色,佢係狼群一定會俾其他狼認定為異類,就會殺左佢,所以佢阿媽掉佢係度,好過帶翻去俾其他狼殺死。

隻狼見到我地,即刻流曬口水,我:小心啊雪兒,隻狼有攻擊性啊,應該想食左我地。

隻狼慢慢行黎,我已經準備好一刀劈落去,突然雪兒擋住唔俾我劈,隻狼行到雪兒面前,即刻跪低lan雪兒隻腳。

雪兒:佢好得意啊,你睇下。
雪兒摸摸下隻狼既頭,隻狼攬住雪兒隻腳,個屎忽不停前後擺動,我X,依隻死色狼,竟然係度淫我既雪兒⋯⋯

我一走過去拳頭細細打佢一下,雪兒即刻攬住隻狼:唔準打佢啊⋯

我:帶翻去只會引狼入室,佢遲早會食左我地。

雪兒眼濕濕咁講:我唔理啊,我要養佢做寵物,佢好可憐啊,我地唔理佢,佢會死⋯⋯



見到雪兒眼濕濕,唉,我衰心軟:養囉,養囉(人都就黎唔夠嘢食啦)
已有 0 人追稿