我即刻攞起旅行袋,然後拉住秋儀瘋狂奔跑。

秋儀回頭望一望講:學東哥,彭彭係度追住我地啊。

我:唔好望後面啦,快D跑啊秋儀!

隻野豬跑得好快,就黎追到我地咁濟,我個旅行袋跌左唔少番薯出黎,但我唔理啦,唔跑真係會俾野豬咬死。

秋儀:學東哥⋯D番薯跌曬出黎啦⋯



我:唔要啦,條命緊要D啊!

隻野豬死追住唔放,再跑落去一定會追到我地,我見前面有棵大樹,即刻叫秋儀爬上樹先,我再爬上樹。

隻野豬終於追到黎,見我同秋儀係樹上,即刻撞棵樹,bom~bom聲不停響起,但棵樹好實淨,無俾佢撞斷撞爛。

秋儀:學東哥,點解得彭彭一個既?丁滿呢?

我:丁滿應該係俾彭彭食左。



秋儀:下⋯⋯

我:我講笑炸,彭彭係野豬黎,好惡㗎,而且係雜食動物,你睇D獠牙,幾長幾恐怖,我係丁滿唔會同佢做好朋友囉。

隻野豬無離開,反而訓低望住我地兩個,雙眼一直望住,我地無離開個隻野豬既視線。隻野豬咁X有恆心既?死都唔肯走喔。

秋儀:有無辦法令彭彭走啊?

我唸一唸,如果我用箭射隻野豬,可能對野豬造成唔到殺傷力,反而會令隻野豬發嬲,到時更加唔會走,我同秋儀可能今晚就要一直係樹上面渡過⋯



我:我地繼續靜靜雞係度等,以野豬咁急促既性格,好快等唔耐煩就會走既啦。

於是我同秋儀on99咁樹上等左半個鐘,隻野豬終於走左。隻死野豬,只不過去左佢地盤攞左D番薯,洗唔洗纏住我地咁耐啊。

我落返黎,望一望附近,等多幾分鐘,見隻野豬真係離開左,我就叫秋儀落黎,秋儀落黎突然失腳,我即刻抱住左秋儀。

秋儀面紅紅咁俾我抱住,我情不自禁地錫左秋儀。秋儀發出誘人既聲音:嗯⋯唔⋯⋯嗯唔⋯

我同秋儀濕吻完一輪,天色開始變黑。秋儀:學東哥,我地快D返去啦,再夜D雪兒會擔心我的既啦⋯

我:咁好啦,我地快D返去啦。

於是我同秋儀急急腳走返去,返到竹棚,雪兒係度等咁我地,無錯,雪兒發咁脾氣,黑曬口面咁。

雪兒嬲霸霸:大陸仔!你地兩個去邊度黎!做咩搞咁夜?



我即刻舉高隻手表示投降,秋儀即刻走去同雪兒講今日見到野豬既事。

雪兒:彭彭?邊個叫彭彭?

我:彭彭係隻野豬黎。

秋儀一邊跳住舞一邊唱:hakuna matata~令你快樂到死~一生的哲理~歡歡喜喜~hakuna matata~

我攞出D番薯俾雪兒睇,雪兒即刻走過黎:哇,依度咁多番薯,夠我地食十日八日啊。

秋儀:啱啱我地跑個陣跌左好多番薯啊。

我:我地實有機會攞得返D番薯,問題係點同隻野豬鬥,個番薯地係野豬既地盤,隻野豬皮厚肉多,爆發力又驚人,咁厚肉,D箭都佢真係造成唔到傷害。



雪兒雙手合十咁講:黑毛豬五花腩、金華火腿、豬扒、鹹豬手~

我:唔好唸咁多啦,隻野豬黎㗎,好難對付㗎,漁護處都要用麻醉槍對付野豬啦。

雪兒:咁又係⋯⋯
已有 0 人追稿