荒島日記（新手、後宮甜）（不定期更新）: 死鬥

我攞起個石頭一嘢砸落去，隻藍色青蛙俾我砸到扁X曬。依隻青蛙仲咁大隻，而且顏色咁鮮豔，一定係有毒啦，唔係其他動物應該一早食左佢落肚。

我攞起箭頭掂隻青蛙屍體流出黎既液體，成個箭頭都黏滿曬依D液體，希望真係有毒啦，唔係既話我就真係無辦法殺死隻野豬啦。然後我就跑去竹棚個邊。

（雪兒秋儀千奇唔好有事啊，老公依家黎救你地，你地唔好有事啦）

差唔多到竹棚既時候，我聽到哭聲，依把哭聲係雪兒黎，雪兒秋儀，你地唔會係有事啊嘛？

我即刻衝左出去，見到隻野豬係竹棚下望住雪兒同秋儀，雪兒同秋儀已經上左竹棚上面，來福都上左去，好彩姐，如果你地有事我真係唔知點算好。



雪兒見到我之後，喊得比之前犀利，眼淚流個不停。而秋儀係度安慰雪兒，來福就不停發狠咬牙切齒咁望住野豬。

（啊，你個死八戒，竟然嚇我D女女，我同你死過）

我攞起弓箭瞄準隻野豬，熟一聲，枝箭一嘢插落野豬屎忽度，隻野豬痛到大叫：咳～咳⋯

野豬掉頭見到我，即刻就衝過黎，下？點解無毒發既？唔通隻青蛙無毒？

我即刻掉頭奔跑，死啦死啦，隻野豬嬲到想殺死我啊⋯



來福見隻野豬追我，跳左落黎想救我。我好感動，來福竟然會黎救我。

我：來福！小心啊！隻野豬咁大隻，你唔夠佢黎㗎！

來福：嗷嗚～
來福加速跑到我身邊，野豬死追住我唔放，依家算好D，起碼隻野豬傷害唔到雪兒同秋儀。

我同來福兩個跑到沙灘個邊，隻野豬都跑左過黎，我即刻爬上棵樹，攞起枝箭對住野豬：X你老母，你個死八戒。

我又再一箭射去野豬，但枝箭唔中野豬，我X，移動咁既目標真係好難中。突然來福發狠衝左去咬野豬左手邊一啖，因為依一咬，隻野豬停止左移動，我再攞起弓箭射隻野豬，來福狠狠咬完一啖後即刻離開左隻野豬身邊。熟～枝箭射中左野豬⋯⋯又係屎忽位。



隻野豬痛到係度大叫，然後一野衝過去撞來福。

我：來福！小心啊！

來福見野豬衝過去佢度，即刻跳起一邊想避過野豬，但可惜遲左少少，隻野豬撞到來福隻腳，來福被撞到失平衡飛左一邊。

我：來福！

我即刻跳落樹，攞出把開山刀，衝過去野豬個邊：你個撲街，想撞死我來福，我同你搏命。

我一野斬隻野豬背部，野豬D血巴巴聲流出，隻野豬俾我斬到流曬眼淚，即刻掉轉頭撞我。

bom！我成個人俾撞飛左，跌到係沙灘上，我隨即吐左一口血。



我抬起頭望，野豬係我面前發狠望住我，我見到佢發紅既雙眼，死啦，睇黎隻野豬想咬死我啦。

遠處我聽到雪兒同秋儀大嗌，我望去聲音既方向，雪兒同秋儀見到我趴係沙灘，喊曬口咁跑過黎。

我：走啊！唔好過黎啊，一個人死，好過冚家剷啊！

兩女無聽我講，繼續跑過黎，點解你地咁唔聽話⋯

隻野豬走近我身邊，我把開山刀啱啱被撞飛時跌左一邊，我攞起瑞士軍刀出黎。來福起翻身，一野咬住野豬隻大腿唔放，野豬痛大嗌，然後起飛腳，踢飛起來福，來福被踢到嘴流曬血。

隻野豬再次走返黎我面前⋯⋯