荒島日記（新手、後宮甜）（不定期更新）: 下海

第二日一早，食完個番薯早餐，我地三個加埋來福就即刻起程，沿住沙灘另一邊盡頭一直行，依度水清沙幼，搞到我地似係黎依度旅行。

行左大半個鐘，我遠遠見到衝左上沙灘上既救生橡皮艇。我地即刻加快腳步行，終於我地到左沙灘另外一邊既盡頭。

我走去橡皮艇度睇，發現唔到有人，我望一望個海，發現有三條浮屍係海面漂浮，我除曬衫就衝落海。當我撈第三條屍既時候，海底有樣嘢吸引住我既眼球。

我即刻拖住條屍返上沙灘，然後係沙灘挖左三個窿埋左佢地，我地三個雙手合十祈禱。（希望你地安息啦）

我：我要去海底撈樣嘢返上黎。



講完我就再次跳返入海裡面，遊到去啱啱見到舊嘢既地方。依舊嘢係個箱黎，我拖住個箱遊返上水面，個箱原來都好重下，睇黎裡面有我想要既嘢。

上左水面後，我拖住個箱行去兩女個邊，雪兒即刻走過黎打開個箱。個箱裡面得一個望遠鏡係度。

來福見到我上返黎，即刻跑到我身邊，然後圍住我不停兜圈。

雪兒：唉，得望遠鏡，我仲以為有D咩好嘢係裡面。

我：唔係啊，個望遠鏡都唔錯啊，同埋仲有樣嘢我地都好需要㗎。



雪兒：仲有其他嘢咩？

我即刻拆開個箱，幾經辛苦，終於係箱裡面拆出一塊鐵板出黎。

雪兒：你要舊鐵板攞黎做咩啊？

我：秘密～

雪兒：哼，唔講就算，懶神秘感。



秋儀：我相信學東哥要個鐵板有佢既理由既。

我將舊唔係好大塊既鐵板同望遠鏡擺入旅行袋，突然來福豎起耳仔，然後望住樹林個一邊。

來福：嗷～

來福擺定個要戰鬥既姿勢，發狠咬牙切齒咁望住樹林個方向。

雪兒：大陸仔，來福發生乜嘢事啊？

我：唔清楚啊，可能有大型動物係依附近掛，來福感覺到有危險。

雪兒聽完依句之後嚇到躲係我後面，秋儀亦都拖住我隻手，來福依然不停發狠咁望住樹林，睇黎隻動物都幾有攻擊性。

我鬆開秋儀隻手，然後攞出把弓箭，對住樹林個方向瞄準，只要隻猛獸一出黎我就即刻射過去。



突然樹林裡面傳出一把聲。

：撲你個街，男人之家你咁X廢既！

我：雪兒秋儀，係人聲黎既喔，有其他生存既人啊。

雪兒：我地快D去睇下。

我地三個走向去樹林個邊，但仲未見到有人影。

：你咁X廢，跟住你真係食X屎死X咁。

我今次聽得好清楚，依把聲⋯唔X係佢啊嘛⋯



一男一女從樹林度走左出黎，依一刻，我地五個人互相對望。

：林雪兒？原來你無死㗎？我以為學校D人死X曬。

雪兒：哈⋯辣椒妹⋯

秋儀細細聲問我：佢係邊個黎？

我：下？辣椒妹白穎琳你都唔識？學校既女惡霸喔⋯