終於我地返到去竹棚,辣椒妹雙眼發曬光咁望住周圍。

辣椒妹:依度係你地三個人整㗎?間木屋仔整得幾X好喔。

雪兒:係啊,我地好用心去整㗎。

辣椒妹:我好X肚餓啊,有無嘢食啊⋯我就黎餓X死啦。

雪兒:係啦,依家整俾你地食啦,喂,大陸仔,你係度攞石頭整D咩啊?



我:我係度用石頭搭個架囉,擺上個鐵板黎煎豬肉囉。

雪兒攞D野豬肉俾我,我擺上舊豬油係鐵板上,鐵板好快就啪啦啪啦響起,我用兩個洗乾淨既竹條夾起幾塊豬肉擺上鐵板度煎。

辣椒妹視線一直離唔開D野豬肉,而沈默左好耐既文健開始講嘢。

文健懶係專家咁講:No no no!豬肉唔可以咁整㗎,咁D豬肉會好難食囉。
(我X你老味,有得你食就少講句啦)

雪兒:睇黎文健對飲食方面係專家喔。



文健:又唔可以話係專家既,只不過係平時屋企就係食D黑毛豬、波士頓龍蝦、阿拉斯加長腳蟹,不過平時食得多個D都好悶下,係時候食D貧民化既嘢。
(我好X憎依條友)

雪兒:wow,幾好喔,雖然我屋企都算有D錢,但我都唔係成日食,你好識享受喔。

雪兒笑住讚揚文健,但又不時望一望我。

文健:如果我地返到香港,我請你去我屋企食啊。
(X你老味死淫蟲,你想請佢食海參,你食佢鮑魚啊?)



過左陣,終於煎好左D豬肉,我分左六份俾大家,辣椒妹睇黎真係好肚餓,唔理會唔會好熱,一嘢塞入自己把口。

雪兒同文健一邊食一邊係度傾計,有傾有笑咁,唔講仲以為係出去食燭光晚餐。

文健:我同屋企人經常去旅行㗎,一年點都要去四次先安樂,你知唔知啊?個次去杜拜,真係大開眼界啊⋯⋯

雪兒:哈,咁勁?你就好啦,同屋企人去旅行,我就無咁好啦,我老豆只掛住做生意,我一個星期只係同佢食一次飯⋯

我見到佢地傾到旁若無人咁,見到都嬲,於是企左起身無出聲,直接走出竹棚,慢慢行去海邊睇下個大海。

夜晚既海風有D凍,幾符合我啊,寂寞、空虛、凍。望住滿天既繁星,襯托我自己一個:唉⋯⋯

秋儀:學東哥,做咩自己一個走黎海邊吹海風啊?



秋儀一邊講一邊走過黎,然後坐低挨係我身邊。

我:無啊,突然想睇下夜晚既海姐。

咔嚓!身後既樹林突然傳出踩爛樹枝既聲音,我同秋儀即刻轉頭望後面,見到雪兒企左係度。雪兒見到我地兩個,即刻掉頭就走,於是我企左起身追過去。

我:喂,你做咩事啊,雪兒,等埋我啊喂!

我跑過去即刻捉住雪兒隻手,雪兒俾我捉住所以走唔到。

我:你又發生咩事啊?

雪兒掉頭望住我,月光照耀著雪兒既雪白面孔,眼淚一直掛在眼眶上,在月光下變的閃爍,佢咬住嘴唇忍住唔喊。我伸手想幫佢抹去眼淚,但俾佢隻手擋住左。

雪兒:放開我隻手⋯



我:唔放,我拖左就一世都唔放,我要照顧你一世!

雪兒:我先唔要你照顧我啊⋯快D放開我啊⋯

雪兒嬲霸霸既眼神一直望住我,恨不得雙眼發出死光,可以將我射成灰燼。

見到雪兒咁傷心既樣,我只好鬆開隻手,然後望住雪兒一步一步慢慢咁行去竹棚⋯⋯
已有 0 人追稿