我靜靜雞咁行返黎,秋儀同辣椒妹即刻望住我。我右手攞住兩隻野雞,左手提住三隻蟹,辣椒妹同秋儀雙眼發曬光望住我手上既嘢,雪兒就好淡定咁望左一眼。

辣椒妹:掂喔,大陸仔,咁都俾你搞X到兩隻雞同蟹返黎。

秋儀:學東哥不嬲都好叻。

雪兒都係無出聲,好專注咁繼續烤番薯同香蕉。

我用一條竹條穿過隻野雞,然後另外個隻野雞用香蕉葉包住一層又一層,辣椒妹坐係隔離望住我整。



突然依個時候出面有人大嗌,哦,係傻仔文健把聲黎,見文健急急腳好興奮咁行返黎,大汗搭細汗,身上件衫都濕透曬。

文健笑住口咁講:各位女士,你地估下我帶左D乜野返黎?

三個女人即刻望住文健,期待文健係背後攞D咩食物出黎。

文健:我依次收穫真係大啦!平時我先遇到一兩隻,今日我係河邊用曬精力血汗,終於捉到十隻返黎。

登登登登!文健高舉藏係背後既十隻青蛙仔,十隻青蛙被串係一枝樹枝上。



秋儀同雪兒望到發曬呆,而辣椒妹睇完即刻按住肚係地上碌黎碌去爆笑。

辣椒妹:我X你老母啊,笑X死我啦,十隻青蛙仔攝牙啊?笑X死我啦,救命,笑到我好X肚痛,就黎笑到有腹肌啦X。

文健見我係度串咁隻野雞,而且旁邊有三隻蟹係度,即刻收埋枝青蛙串無出聲,自己一個坐係一邊角落位。

雪兒望一望文健個樣,見到文健塊面青一塊紫一塊,腫起一舊舊,然後見到我隻手有傷痕,於是問文健。

雪兒:文健,你發生咩事啊?做咩塊面咁樣?係唔係有人打你?



雪兒講完就啤一啤我,而文健俾雪兒咁問,緊張到唔知點答好。

辣椒妹:睇文健個X樣就知捉青蛙捉到撲曬街黎啦。

文健:係啊係啊,我啱啱跌親!

雪兒疑惑咁望住文健:真係?唔洗怕喔,我可以幫你出頭!

文健:唔係啊,我真係跌親。

(算你識做啦文健)

過左一陣,我攞隻野雞俾雪兒燒,雪兒直接攞左,但望都無望過我一眼,我唯有坐係另外一邊,然後擺隻香蕉葉雞係火堆都烤。

終於燒好左隻野雞,香蕉葉雞都搞掂左,D蟹亦都燒好左,我將三隻蟹拆埋分俾三個女仔,然後將燒雞同香蕉葉雞分成六份,五個人同來福平均分配。辣椒妹見到文健流曬口水既樣,即刻講嘢。



辣椒妹:哇X,你唔係要食你個十隻青蛙仔既咩?文健,你好X辛苦捉返黎既喔!你捉到口腫面腫,仲濕曬身喔!而且係第一次咁大收穫喔

文健俾辣椒妹咁講一講即刻黑X曬口面,唔出聲慢慢食隻燒雞,辣椒妹見到文健既反應即刻笑個唔停。過左陣,大家都食曬D食物。

我見到雪兒係度摸文健塊面既傷口,而文健好享受雪兒咁近對住佢。

雪兒:點啊?痛唔痛啊?
雪兒一邊講一邊用眼角偷望我。

文健:唔痛啦,俾你掂到即刻唔痛啦。

X啊,越睇越火滾,兩個人真係旁若無人之境,我越唸越嬲,直接行身走去海邊吹海風。

今次係第二次夜晚黎海邊吹海風,望住漆黑一片既大海,聽住一陣又一陣既海浪衝過黎拍打岸邊既聲音。唉⋯做咩會咁⋯⋯



過左一陣,突然有人行到黎我後面,我於是開口講:秋儀啊?你又黎陪我吹海風啊?

文健:係我啊,大佬!

(我X,咩事?唔通想搞gay啊?夜媽媽黎搵我)

來福靠聞到我氣味帶住文健過黎,文健好緊張既樣呈現係我眼前。

我:做咩事啊?文健,有D咩事搵我啊?

文健:大佬,竹棚個邊出事啦!

我聽完好緊張捉住文健:竹棚個邊發生咩事啊⋯⋯
已有 0 人追稿