荒島日記（新手、後宮甜）（不定期更新）: 苦戰

（X你老母，陰X我？）
我俾文健搞到泥土入眼，打都打唔開隻眼睇嘢，於是我係咁抹眼。

我抹眼仲未黎得切反應，突然一拳打落我肚度，然後再一拳打落我右邊面，我睇唔到嘢，唯有向前摸索一伸，捉唔到文健個撲街。

我：你老母！

突然文健一個飛踢踢係我背後，我隨即成個人趴左落地下。

bom！



我憤怒大嗌：我X你老母死文健，陰X我！

文健陰陰嘴笑：陰你未陰你囉，打交係咁既啦，X同你君子啊！

文健一講完又係咁踢我個肚，我痛到攬住個肚碌黎碌去。

文健：X你老母，前幾日打得我咁X爽啊拿，我今日要打到你殘廢！

文健一邊講一邊踢，唔知踢到幾多下，我終於俾踢到吐血，痛到我眼淚水都標埋出黎。



文健：哈！你個垃圾！終於俾我打到喊曬口！

我：你老母先喊啊！

文健：仲死撐？X你老母！

文健再次瘋狂X踢我，我被踢左幾腳後，伸手摸索，終於俾我捉住文健隻腳，文健開始有D驚驚地，但我始終睇唔到嘢，捉到都唔知點還拖。

文健趁我未唸點還拖，大大力扯返隻腳，然後一腳踢我個頭，啪！我俾佢咁一腳踢到轉左一圈。



我：啊⋯

我成個人感到暈陀陀，但我意識都仲係有既，我慢慢用雙手按住塊面，我已經唔知自己係嘴流血定係個鼻流血，但文健個撲街真係完全唔留手，佢真係想攞我條命，佢對住我雙手遮住既頭連踢幾腳，然後一嘢踩住我個肚。

文健：X你老母，你快D放開雙手！

我：放你老母啊放！

文健：X你老母！仲係咁X串！
文健抽返踩住我肚隻腳，然後一腳踩住我既喉嚨。

文健：快D同我放手！

我一嘢捉住文健踩住我個隻腳，然後大大力一扯，將文健扯左落地。



啪！我聽到依一聲，我就知道文健個撲街真係撲街啦，於是我大概朝住個方向一踢，啪！我踢中左文健個肚。

文健攬住個肚：X你老母！仲夠X膽還拖！
文健講完即刻碌去另一邊，我已經踢唔到文健。

文健：你老母X！你真係搞到我好X火滾！我今日一定要搵你出氣！

文健講完後走到我背後踢我一腳，我痛到按住背部碌去一邊，文健追過黎繼續踢，我已經無咁頭暈，但身上個地方既痛楚我一一感受到。

我個頭猛咁滴汗，痛楚再加埋D泥土，令到我雙眼係依一刻不停流眼淚。

文健：喊啦喊啦！我就係想睇到你俾我打X到喊成隻死狗咁！

文健一腳踢過黎，我即刻碌去一邊避開，然後用最快速度碌返起身捉住文健，一嘢將文健按左落地下。



文健成個吶喊既樣：你⋯你睇到⋯嘢啦？

我雙眼發紅，死死咁一直撐大瞪住文健，文健依一刻俾我搞到好X驚，係咁擺動身體，但由於我捉得好緊，文健只可以繼續俾我按係地下。

我：你！個！撲！街！