我地抱住D戰利品返竹棚,辣椒妹同秋儀好興奮咁唱住歌仔:「又越個高山又越個谷~忍者身體似飛機~天空任意飛~」

文健跑到雪兒身邊同雪兒一齊行,兩個係度傾計咬耳仔。我慢慢咁係後面跟住(我就睇你個文健想做D咩)突然雪兒轉頭望我,然後走到我身邊拖住我隻手行,文健塊面即刻黑X曬,而雪兒係我旁邊面紅紅咁得低頭。

返到竹棚,秋儀即刻處理好D魚鱗,辣椒妹用D粗樹枝整個燒烤架出黎,雪兒亦都甩開我隻手,走去攞起竹條串起D魚,然後擺上燒烤架度燒,我因為受傷,所以就繼續好似少爺仔咁,坐左係一邊,而文健個撲街唔知做咩好,蹲係三女旁邊發呆。

文健走到去雪兒旁邊撩雪兒傾計,不過已經無以前咁有傾有笑,佢想幫雪兒手,雪兒話自己一個搞得掂。

我見文健一直係度發呆,所以問文健。
「文健,你無嘢做啊?」


「er⋯大佬,係啊,我唔知可以做D咩⋯」文健有D尷尬咁講。

「咁得啦,你去個邊裝鹽既竹筒攞D鹽醃製D魚做鹹魚啦。」
文健望住我坐係度命令佢,有D唔情願去做。

「點啊?定係你想我去醃鹹魚啊?」我一講完,三女即刻望X住文健,而辣椒妹個眼神好似想殺左佢咁。

「係既!大佬!」文健講完即刻走去攞鹽醃鹹魚。

咁多魚幾日係食唔曬,唯有醃製做鹹魚先可以擺耐D。



文健笨手笨腳咁醃製鹹魚,好似要幫條魚做個全套按摩40分鐘先。我睇到好無奈咁搖頭,雪兒同秋儀見到無奈地得低頭,辣椒妹睇到好X火滾。

文健feel到大家既無奈,即刻用眼角對住我發出一絲絲既憤怒,見到我望住佢,個種眼神好快就消失左。我X,依條友肯定以為我特登裝佢彈弓,咁快忘記上次有幾痛啊嘛?上次真係要打得佢重手D。

雪兒燒完D魚後,我地隨即圍埋一堆,辣椒妹分好D魚,每個人都分到兩條烤魚,來福都分左兩條魚,即刻瘋狂咁吞噬,燒烤架上面仲有條細魚,辣椒妹望一望我。(唔通係想俾埋我啊嘛?多謝喔。)

我正想過去接條魚,點知辣椒妹俾左文健,依一刻,我好驚訝咁望住辣椒妹同文健,雪兒同秋儀都睇到呆左呆,更加唔洗講文健啦,文健見辣椒妹第一次對佢咁好,顯得好開心。

(辣椒妹突然對文健咁好既,唔通佢地兩個一齊左?oh my god!文健就好啦,雖然辣椒妹好X串,脾氣好臭,但係佢既大波波,佢既長腿,真係填補曬所有缺點。)



「多謝你⋯⋯」文健含情脈脈雙眼發出愛情死光咁,接條魚既時候仲掂左辣椒妹隻手仔一下。

我地三個好期待辣椒妹講D咩,即刻望住辣椒妹,我緊張到頭都出曬汗。

「你唸X左去邊啊?」辣椒妹擺低條魚後,橋住雙手講。
辣椒妹橋住雙手個下,心口既大波波即刻彈左一下。
(唔洗唸,一定係D!)
文健呆左咁望住辣椒妹。

「拿!你就好X似條魚咁。」辣椒妹繼續講。
「姐係點啊?」文健好緊張咁問。
(係囉!姐係點?)

隨即辣椒妹指住文健。


「你啊!多舊魚啊!你真係多舊魚啊!多舊魚啊多舊魚!」

我壓抑住想噴發既笑聲,而雪兒好辛苦咁掩住嘴笑,秋儀就唔知多舊魚係咩意思,不停咁望住我同雪兒,聽到佢一頭霧水,文健直情黑曬面咁得低頭。
已有 0 人追稿