荒島日記（新手、後宮甜）（不定期更新）: 謀殺

我不停咁掙扎，但文健佢綁得實在太緊，我完全掙脫唔到個死結。文健繼續坐係我背度，我唯有向後踢。
「X你老母，放開我啊！」

「你老母X，咁鐘意踢啊拿！」

文健硬食我幾腳後，隨即用全力抓實我雙腳，我掙脫唔到，佢再用樹藤好快速咁綁埋我雙腳，再次打一個死結，再係我身上綁左幾圈，然後佢起返身。

「我X你老母！踢得我咁大力！」
文健講完即刻踢左我一腳，我忍住痛，狠狠地望住文健。



文健雙眼通紅，拳頭緊緊地握住，但都係有少少手震，佢既呼吸聲都變得好急促，我依家望住佢，就同望住咁癲佬無乜分別。

文健好憤怒咁原地跳左幾下講。
「X你老母！點解你次次都要破壞我既好事！」

文健講完即刻連踢我幾下，痛到我係度碌黎碌去，口水都飛埋出黎。

文健行近我面前，然後蹲下同我講：
「大陸仔！你個撲街！用埋D垃圾手段搶走我既雪兒！辣椒妹咁撲街，應該要死！你竟然救返佢，你知唔知條蛇，我要搵左幾耐先搵到㗎！我X你老母！



文健講完即刻起身，然後對準我個頭，重重咁踢左我一下，依一踢真係令我有少少暈暈地，不過過左十幾秒就無咩事。

「呵⋯你個粉腸⋯你終於肯認單嘢係你做既啦⋯」
我好淡定咁講。

文健即刻蹲返係我面前，然後扯住我件衫領講：
「哈，係我做㗎，點啊？你還到拖咩？」

「你有種解返條樹藤！同我堂堂正正咁隻揪！係男人就黎打過！」
我一邊掙扎一邊講。



「仲隻揪？你估我傻㗎？你知唔知依一日，我等X左幾耐啊？」

「乜X嘢依一日等左幾耐？」
我有D緊張咁問。

「為左依一日，我不停咁唸點樣可以報仇，點樣可以打返你個撲街轉頭，你令到我係依度完全無X曬面！無曬地位！無曬尊嚴！我不停咁練習用樹藤快速咁打死結，練左咁多日，終於俾我練X到！」

我聽完後緊張到出曬汗，估唔到文健個腦真係全部擺曬復仇既思想。世上人渣都幾多，偏偏荒島有一個。早知啱啱唔X放過佢，唉，點解我要咁善良。

「以後雪兒係屬於我既啦，秋儀我都要食埋，佢地都要做我既女人，永遠服侍我一個男人，啊哈哈哈！」
文健仰天大笑。

「發夢啦⋯雪兒同秋儀係唔會跟你㗎！」



文健即刻蹲低，雙眼瞪得好大咁望住我，然後陰陰嘴笑左幾下，佢依家個樣就好似X電影裡面既變態佬。
「呵，得返我一個男人，佢地就無得揀啦。」

「咩話？」
我隨即吐左啖口水係佢塊面，文健起返身抹走D口水，然後再踢我幾腳，依幾腳踢到我吐血，X佢老母⋯

「唔⋯唔⋯」

我即刻望住文健，文健即突然喊曬口咁，身體係咁震，個嘴都不停咁震，隱隱約約可以聽到佢牙齒震既聲音，X，我都未喊，你喊乜X嘢啊？
「係⋯係你逼我㗎⋯大陸仔⋯係你逼我㗎⋯」

「逼你老母啊逼！」

「係你逼我㗎！」
文健講完即刻停止左喊，然後抓住我身上既樹藤，一直拖住我行。



「X你老母！有種放開我！你個撲街！」

文健無回應我，一直係咁拖住我行，不過佢實在太廢，所以行得好慢，而且不停咁抖大氣。

「X你老母！你想帶我去邊X度！」

我望一望周圍，我已經俾文健帶到沙灘上，依條友⋯依條友唔通佢⋯⋯

「係你逼我㗎！大陸仔！係你逼到我抖唔到氣！今日，我一定要殺左你！我要你D肉，俾鯊魚一啖一啖咁吞落肚！我要你飽受折磨先死！」

「你個撲街！你竟然想殺我！X你老母！」

「依度無左你，我一定會過得好幸福！去死啦！大陸仔！」



講完文健即刻拖左我落海，拖左一陣後，一嘢踢我落海底個度。

我估唔到最後我會死係海度，我估唔到文健個撲街竟然會殺我，枉我一次又一次咁放過佢，佢個撲街。

我好唔甘心就咁死左，我放唔低雪兒同秋儀，一想到佢地兩個，我即刻眼淚都出埋黎，但依家⋯我真係無能為力⋯⋯


我不停咁掙扎，不停咁想掙脫綁住我既樹藤，但好無奈，樹藤實在綁得太緊，我根本就解唔到，死啦死啦⋯睇黎今次我真係要死啦⋯⋯
我慢慢咁一直沉落去⋯⋯