荒島日記（新手、後宮甜）（不定期更新）: 廢柴

雪兒同秋儀即刻跑過黎攬住我喊。
「文健話你死左⋯唔⋯你以後唔準再嚇我啊⋯大陸仔⋯」

「哈，我依家咪無事囉，唔好喊啦」
我一邊講一邊摸佢地兩個個頭，希望可以安撫到佢地。文健驚恐到不停咁震，佢完全估唔到我會無事返黎。

「乖啦，等我處理埋一D嘢先。」
我講完就走到文健面前，文健好想跑走，但佢雙腳已經發軟，所以佢只可以一直跪係地下，想走都走唔到。

「大⋯大佬⋯你無事啊？」


文健好驚青咁講。

「今次死裡逃生真係多得你唔少啊，文健。」
我冷笑咁講。

「大⋯大佬⋯係一場誤⋯」
我未等文健講完，即刻用我曾經踢學界既令我成名既絕技，因為對面隊出曬矛招，垃圾球證又睇唔到，然後我用依一腳，令我停止左足球生涯。

「天殘腳！（穿心腿）」
Bom！


我一腳踢文健既心口，隱隱約約聽到佢肋骨裂左少少既聲音，文健俾我依一腳踢飛左兩三米左右遠，隨即吐血。

「啊⋯⋯大⋯大佬⋯我⋯真係知⋯錯啦⋯你放過我⋯一次啦⋯」
文健喊曬好痛苦咁摸住個心口講。

「X你老母！你殺我個陣唔見你放過我？」
我一邊講一邊行過去，文健見我今次嬲到真係想殺左佢，即刻好似上次咁頭壓地下跪係度求原諒。

「對⋯對唔住⋯原諒多我最後一次⋯我上有老⋯下有幼⋯我唔可以死㗎⋯」
文健一直顫抖咁講。



「哈！上有老下有幼，你唔好吹大D？」

「大佬⋯真㗎⋯我屋企得返我一個支撐住成頭家⋯我老婆又走佬⋯二奶又大肚⋯三奶又爛賭⋯四奶死老母⋯我死左⋯就家不成家⋯」
文健講完即刻大聲痛哭，我地四個聽到一頭霧水。

我一腳踢文健個頭，文健隨即趴係另外一邊，表情極度恐慌，真係好驚我今次要打死佢。我行過去準備踢第三腳，隨即有人係背後攬住我。

「大陸仔⋯你唔可以殺左佢㗎！」
攬住我既人係雪兒。

「佢一次又一次想害死我，如果留佢係度，佢總有一日會報仇！我一定唔可以放過佢！我已經俾左好多次機會佢！辣椒妹俾蛇咬，都係因為佢！」

「咩話！」
辣椒妹一拐一拐走過去，然後一巴大大力車文健塊面，我等辣椒妹打完就抓住文健。



「唔得㗎！大陸仔！你殺左佢，第日我地返到香港，你就背負殺人既罪名⋯」
雪兒好緊張咁講。

「係囉係囉⋯大佬⋯你殺我既話⋯」
我未等文健講完即刻衝左去發狠踢佢個肚一腳，今次痛到佢一直攬住肚喊。
「啊！好痛⋯⋯啊⋯」

「依度未輪到你出聲啊！撲街！」

雪兒同秋儀衝上前黎，兩個前後包抄咁攬住我，唔俾我再繼續打文健。

「學東哥，你唔可以殺文健㗎⋯唔⋯」
秋儀講講下就喊左出黎。



「係囉，大陸仔，雖然佢好撲街，而且咁害我，但文健個撲街人渣唔值得你去殺，你殺左佢只會整污糟你雙手。」
辣椒妹一拐一拐走到前面阻住我去路。

「連你都阻止我！辣椒妹！」

「你就放多佢一次啦，佢今次都俾你打X到成個廢柴咁啦。」
我聽完辣椒妹講後望向文健，文健挨係一邊，件衫染左D鮮血，佢不停咁攬住個心口，眼淚不停咁流。

「係啊，你當係為左我地啦⋯我地唔想你背住殺人罪名⋯我唔想你坐監⋯」
雪兒講完攬得我更加緊。

「好！我俾多次機會佢！佢如果再犯錯，我一定打X死佢！」
挨係度既文健，一聽到我話放過佢，即刻喊曬口咁講多謝。






睇黎文健今次真係俾我打到重傷，食晚飯個陣，佢仲係一邊食一邊摸個心口，食完後挨係竹棚一邊，感覺佢就黎要奄奄一息咁，我都廢X事理佢。

我行去辣椒妹旁邊。
「辣椒妹，你隻腳無事啊嘛？」

「無⋯無事⋯」
辣椒妹有D緊張咁講。

「喂，辣椒妹，話說我返黎個陣，你無啦啦喊乜X啊？」

「下⋯⋯有沙入眼⋯你以為係為左你喊啊？笑死人，無可能～你以為自己係邊個啊？」
辣椒妹一邊講一邊擺手。



「超～不過你今日感覺好似神神化化咁，係唔係俾蛇毒毒壞左個腦？」

「你⋯你就毒壞左個腦。」
辣椒妹講完打左我一下。