荒島日記（新手、後宮甜）（不定期更新）: 方丈

我地等雪兒同秋儀洗完衫走左後先入返河度沖涼，為左安全，我決定同辣椒妹前後腳咁返竹棚。

辣椒妹早返左去差唔多兩個鐘，而我上左山打獵，獵左一隻野雞返黎，於是我都走上返竹棚既道路上，無幾耐就返到竹棚，雪兒同秋儀即刻望住我。

「大陸仔！你啱啱走左去邊！」
咆哮咁既係雪兒。

「我啱啱走左山上面打獵啊嘛，哈哈⋯」
我攞起手上隻野雞講。



雪兒隨即走上前，一直眼大大咁望住我，一句嘢都無講，俾佢咁樣望一望，我背即刻出曬汗。
「啊⋯做咩咁望我？」

「睇你有無講大話囉！」
雪兒橋住手圍住我走了一圈。

秋儀走過黎攬住我。
「啱啱我同雪兒去左番薯地個邊搵你，但又唔見左你。」

「對唔住，要你地咁擔心。」


我一邊摸秋儀個頭一邊講。

「哼！唔好理大陸仔，秋儀，我地繼續做自己嘢。」
雪兒嬲霸霸咁拖住秋儀，秋儀好依依不捨咁走。

（啊⋯佢又嬲D咩啊⋯唔會咁快識破姦情啊嘛⋯）

我望一望辣椒妹，辣椒妹搖頭表示唔關佢事，我望一望文健，文健繼續挨坐係個角落位休息。

我準備燒隻野雞，點知雪兒一嘢搶走左去。


「我黎燒！」

然後雪兒同秋儀兩個整左個燒烤架燒隻野雞，秋儀都攞出幾條鹹魚，擺上鐵板上煎。我望住雪兒燒野食，同之前所唸既一樣，真係好有賢妻良母既感覺，入得廚房出得廳堂。

隻野雞燒左一陣，D香味撲鼻而黎，搞到我更加肚餓，文健亦都聞到氣味醒左，按住心口既痛楚走過黎，辣椒妹亦都走埋過黎，秋儀都煎好左鹹魚，跟住要分俾大家食。

「我黎分！」
雪兒講完就攞走秋儀手中既刀，然後將隻野雞拆件，我望住隻野雞，口水都不自覺地從嘴角流出。

雪兒即刻分左六份，文健同來福一攞到就即刻好狼狽咁食，秋儀同辣椒妹分到一人一隻雞腿同D雞胸肉，剩下兩隻雞翼，我唸應該係我同雪兒一人一隻啦。

「嗱！依個你既！」
雪兒遞左俾我。

我呆望左我自己分到個份⋯兩隻雞翼⋯尖⋯同埋個雞屎忽位⋯」



「我依份⋯⋯」

「咩啊！嫌唔夠啊！」
雪兒黑曬口面嬲霸霸咁講。

「er⋯唔係⋯」
我望返住自己既晚餐。

秋儀同辣椒妹見到我個份咁少，想分D胸肉俾我，雪兒見到後即刻用手擋住。
「唔準俾佢！」

「學東哥⋯咁。」
秋儀扁扁嘴咁講。



「你唔洗擔心佢，佢餓唔死。」
雪兒用眼角望左我一下。

唉⋯得罪方丈，無好下場，方丈份人好小氣㗎⋯我唯有食分到個份，好彩仲有鹹魚，如果無鹹魚，我今晚肯定餓死左。

食完晚飯，我走上竹棚想訓教，一想起雪兒今日嬲左我，唉⋯睇黎今晚唔可以左擁右抱啦，我走到去一個角落位訓。

我訓低既時候，秋儀同雪兒都走左過黎，然後兩個訓係我旁邊，好似一直以黎咁夾左我係中間。

（噢耶～睇黎佢嬲完啦，可以攬住女女訓啦）

我伸隻手攬住秋儀，秋儀就攬住我隻手訓，我伸埋隻手想攬住雪兒，啪！雪兒大大力打左我隻手一下。

「唔準掂我！」
雪兒嬲霸霸咁講。


辣椒妹依個時候都走上黎，我好無奈咁望佢，辣椒妹按住嘴笑左一下，然後訓左係雪兒旁邊。

（辣椒妹⋯幸災樂禍⋯）