就係咁,我就同辣椒妹向山上進發。

雖然同辣椒妹交手過一次,但唔知點解,我覺得今日自己會好危險⋯

「行慢D啊辣椒妹,我唔知會唔會遇到猛獸啊。」
我係後面背住旅行袋行,辣椒妹只係攞住個竹矛,走係最前面。

辣椒妹無理到我,繼續咁向前行,無奈既我唯有一直跟住。

我一邊行一邊望周圍D植物,希望可以搵到可以醫大馬騮既山草藥,其實我對於草藥⋯真係唔多了解⋯我出黎有一半目的係想提早觀察環境,睇下有無地方適合我地去定居。



er?今日無點留意辣椒妹,依家先發現佢竟然著左條短裙!!!佢幾時換左著裙㗎?明明朝早見佢係著褲既喔⋯

其實係荒島生活,著裙真係好錯誤既決定,因為你係叢林走黎走去,好容易俾D植物刮爛,從而刮傷自己對腳,著牛仔褲會係最好既選擇。

我雙眼一直凝視住辣椒妹既裙底,呵⋯我真係好耐無見過著短裙⋯而且佢今次依條短裙真係短到呢⋯我想返起佢係學校著校裙摺起個情境。

(差少少就可以見到條底底啦~差少少)

望住佢個短裙隨風飄揚,睇到我小東東瞬間充血扯衡曬,睇到我額頭不停咁滴汗,真係好想就地正法。



(唔得唔得,細佬我今日出黎既目的要搵藥醫返好隻大馬騮,點可以係依D關乎大馬騮生死時刻仲想住依D色慾之事,要早D搵到藥返去。)

啪!我打自己一巴,希望可以令自己冷靜返,轉移自己對辣椒妹裙底既注意力。

「你做乜撚嘢打自己一巴啊?」
辣椒妹轉個頭問。

「哦!有蚊啊。」
好彩我夠醒。



「喂!辣椒妹。」
我想起有嘢問佢。

「嗯?」

「你今日猜贏左個陣好開心喔,唔通~」
我邪惡咁笑。

「哼!我驚佢地幫唔撚到你,先犧牲自己出黎幫你手,雪兒又唔舒服,秋儀又單純,文健又成個廢柴咁。」
辣椒妹講完繼續向前行。


「辣椒妹!你行咁慢我唔等你㗎!」



無錯!一開始佢帶頭行,但行左一個鐘左右,佢就越黎越慢,有時仲搞到我係原地等佢跟上黎。

「辣椒妹,你再行咁慢,今晚就可能要係出面過夜啦!」
我轉身同佢講。

辣椒妹聽到依句,若有所思左一陣,然後行得比一頭先仲要慢⋯扑街⋯佢究竟係度玩乜鬼嘢啊⋯

行到前面見到一片草叢,我望一望身後著住裙既辣椒妹,佢察覺到我一直望住佢,於是佢雙眼望返住我。

「你做乜咁望住我啊?我著裙唔靚咩?定係唔鐘意我著裙?」
辣椒妹問到。

「唔係⋯只不過係你著裙⋯點樣行依片草叢啊⋯」

「無所謂啦,可以照行過去啊。」


辣椒妹想照行過去,但我即刻阻止佢。

「我一黎驚會刮爛你條裙,二黎驚會刮親你對腳啊。」
我邊講邊望住佢雙美腿,睇到我不停咁吞口水。

「又話要趕住去搵藥,仲望得咁實。」
辣椒妹拍一拍條裙。

「哦⋯係!好啦,我地兜個草叢先再繼續行上去啦。」
(俾佢發現到我一直望住佢對腳⋯)

(大陸仔啊大陸仔,你唔可以再衰鹹濕既啦,真係要拿拿聲搵到醫大馬騮既草藥,然後就要返去既啦。)
已有 0 人追稿