荒島日記（新手、後宮甜）（不定期更新）: 海鷗

「大陸仔！醒下啊喂！」

「學東哥⋯起身啦⋯」
秋儀一邊講一邊推我。

「喂！辣椒妹，你想做咩？」

「放心啦，一定醒。」
啪！辣椒妹一巴打落黎我塊面，我個人即刻從夢中痛醒。



「喂！洗唔洗咁大力啊！」
我摸住紅腫既面部。

「天都光撚曬啦！仲訓！」
辣椒妹講完後走去執拾。

「大陸仔，D白煙出現啦！」
雪兒好緊張咁講。

「係邊度？」


我不停咁望周圍。

「係依座山下面啊，個邊懸崖個邊飄上黎。」
雪兒指住左邊遠處懸崖。

「咁我地食埋個早餐先再落去睇啊。」

「落去睇左先再食啊！等唔徹啦！」
辣椒妹走過黎推住我走。



「係囉！個半月前同讀者講有新角色，個半月後都仲未有新角色！讀者們等唔到啦，快D起程啦！」
雪兒拖住我隻手行。



（唉⋯作者叉燒仔依家個心情成個年初四咁既樣，假又放完，錢又洗曬，工又要返，稿又要交⋯⋯）



辣椒妹一腳踢醒文健。
「起身啦！撚樣！要落山啊！」

「下！咁快？食埋個早餐先啊。」
文健講完就打喊露。



「你要食就自己留係度食！」
辣椒妹講完就走，文健無奈跟大隊落山。

於是我地行落山，但落山既路令到我地同懸崖個邊既距離又遠左好多，不過我記住左個方向，所以唔怕會行唔到個目的地。

吖！吖！
天上面突然傳來動物既叫聲，我向上一望，有數十隻海鷗係天空度飛翔，而且仲望到一兩隻海鷹覓食，睇黎依個山頭應該有唔少小動物係度生活。

「大陸仔，你係度望咩啊？」
雪兒跟住我望個天。

「無啊，我望下D海鷗。」
我繼續眼定定咁望。

「好似好好味咁wor～」


辣椒妹係旁邊眼甘甘望住D海鷗，文健亦都眼定定望住上空。

「唔好發夢啦，你估我係郭靖啊？玩射雕英雄傳啊？咁高點射啊？」
我好無奈咁望住辣椒妹。

「嘻嘻！你一定有辦法既！」
辣椒妹對住我邪惡咁笑，然後不停咁拍我背隻，搞到我突然打冷震。

「好啦，唔好企係度望啦，我地繼續行啦。」
我拉住雪兒走。

「你地依班海鷗，我以後一定會食你地落肚既！」
辣椒妹對住個天空講。

「走啦！又話趕住落去！」


我回頭同辣椒妹講。

「我地走啦，辣椒妹。」
秋儀走過去拉走辣椒妹。